54:351  351  SERMON  XXIX  352  voyons,  combien  que  sainct  Paul  parle  a  Timothee,  qu'il  ne  laisse  point  de  nous  donner  une  doctrine  qui  est  profitable  a  tous,  moyennant  que  nous  la  scachions  prudemment  appliquer  a  nostre  usage  et  profit.  Mais  sur  tout  il  nous  faut  bien  noter  quand  sainct  Paul  parle  de  Demas,  qu'il  dit  qu'il  Va  laisse,  ayant  aime  le  monde  :  il  n'entend  pas  que  cest  homme  duquel  il  parle,  ait  du  tout  renonce  l'Evangile,  qu'il  soit  devenu  un  apostat  et  ennemi  de  Dieu,  qu'il  se  soit  retranche  de  l'Eglise  comme  un  membre  pourri,  il  n'entend  point  cela:  mais  seulement  que  pour  son  profit,  ou  pour  quelque  commodite  plus  grande,  ou  bien  fuyant  la  croix  et  les  fascheries  qu'il  luy  faloit  endurer  en  la  compagnie  de  sainct  Paul,  il  s'est  retire.  Or  cependant  si  est-ce  que  sainct  Paul  le  degrade,  car  c'est  plus  que  si  un  homme  estoit  flestri  par  ignominie,  quand  ii  dit,  II  a  aime  le  monde,  et  pourtant  il  m'a  laisse:  c'est  autant  comme  s'il  disoit  qu'il  a  prefere  le  monde  a  Dieu.  Et  c'est  un  eschange  bien  mal  propre  que  cestuy-ci,  mais  c'est  pour  nostre  instruction  que  sainct  Paul  a  prononce  une  sentence  si  dure  contre  Demas.  Nous  voyons  comme  en  d'autres  passages  il  le  loue:  il  l'appelle  son  compagnon  a  maintenir  l'Evangile,  qu'il  luy  a  aide.  Et  ici  il  luy  met  une  note  pour  le  diffamer  a  iamais.  Car  iusques  a  la  fin  du  monde,  cependant  que  le  nom  de  Iesus  Christ  sera  presche,  il  faut  que  Demas  soit  ici  comme  eschaffaudo,  et  qu'il  ait  une  sentence  de  condamnation  sur  sa  teste,  d'autant  qu'il  s'est  voulu  exempter  de  la  peine  qu'il  enduroit  avec  sainct  Paul,  et  qu'il  a  este  trop  delicat,  qu'il  a  trop  aime  ses  aises.  Retenons  donc  que  quand  nous  aurons  fait  beaucoup  (ce  nous  semblera)  ce  n'est  rien  si  nous  ne  perseverons  iusques  au  bout.  Car  (comme  desia  nous  avons  declare)  Demas  avoit  este  en  grande  reputation,  ayant  ce  tesmoignage  si  excellent  de  la  bouche  de  sainct  Paul.  Est-ce  peu  de  chose  qu'il  soit  nomme  compagnon  d'un  tel  Apostre,  auquel  Dieu  a  desploye  ses  graces,  que  son  nom  en  a  este  magnifie,  et  qu'il  Tait  appelle  instrument  eleu  pour  porter  le  nom  de  nostre  Seigneur  Iesus  Christ  par  tout  le  monde?  Et  voici  Demas  qui  est  appele  avec  luy.  Le  voila  donc  comme  exalte  par  dessus  les  nues,  et  non  point  que  les  hommes  luy  applaudissent,  mais  c'est  comme  si  le  sainct  Esprit  l'avoit  ainsi  honore,  qu'il  Feust  eleve  comme  une  lampe  ardente  au  milieu  de  son  Eglise.  Or  apres  qu'il  a  este  ainsi  constitue  en  un  degre  si  haut  d'honneur,  voici  une  ignominie  perpetuelle  :  c'est  ascavoir  quand  sainct  Paul  declare  qu'il  a  mieux  aime  le  monde.  Et  pourtant,  si  Dieu  nous  a  fait  la  grace  de  l'avoir  servi,  et  de  nous  estre  employez  pour  le  tesmoignage  de  son  Evangile,  que  nous  ayons  este  en  bon  exemple  et  en  reputation  en  son  Eglise,  que  nous