52:351  351  EPIST.  PAULI  AD  TIMOTHEUM  II  352  qui  fretus  spiritus  potentia  constanter  omnem  altitudinem  despiciat,  quae  insurgit  adversus  Christum  ?  Nonne  plerique  fere  omnes  sibi  et  otio  suo  consulunt?  Nonne  simulac  increpuit  aliquid,  prostrati  silent?  Ita  fit  ut  in  eorum  ministerio  nulla  appareat  Dei  maiestas.  Nomen  spiritus  metonymice  hic  ponitur  ut  multis  locis.  Sed  cur  dilectionem  postea  addidit  et  s  o  b  r  i  e  t  a  t  e  m  ?  Meo  iudicio,  ut  illam  spiritus  potentiam  discerneret  ab  intemperie  fanaticorum  hominum,  qui,  quum  ruant  impetu  turbulento,  spiritum  Dei  ferociter  iactant.  Ergo  nominatim  expressit,  vim  illam  potentem  sobrietate  et  dilectione,  hoc  est,  placido  aedificandi  studio,  esse  temperatam.  Caeterum  non  negat  Paulus  quin  eodem  fuerint  spiritu  donati  prophetae  et  doctores  ante  evangelii  promulgationem:  sed  hanc  gratiam  significat  nunc  vigere  potissimum  debere  et  eminere  sub  Christi  regno.  8.  Non  ergo  te  pudeat.  Hoc  dicebat  quum  probrosa  res  esset  evangelii  confessio.  Prohibet  igitur  ne  ambitio  vel  infamiae  metus  eum  impediat,  vel  remoretur  a  libertate  praedicandi  evangelii.  Et  hoc  infert  ex  superioribus.  Nam  qui  armatus  erit  Dei  virtute,  non  trepidabit  obstrepente  mundo:  sed  gloriosum  sibi  ducet,  quod  impii  notabunt  ignominia.  Et  merito  evangelium  appellat  Domini  testimonium:  quia  tametsi  minime  nobis  adiutoribus  indiget,  nobis  tamen  has  partes  imponit,  ut  testimonium  reddamus  sibi  ad  gloriam  suam  asserendam.  Hic  magnus  et  singularis  honor  est  quo  nos  dignatur,  et  quidem  omnes  (nemo  enim  christianus,  qui  non  reputare  debeat  se  esse  Christi  testem),  sed  praecipue  tamen  pastores  et  doctores.  Quemadmodum  Christus  apostolis  dicebat  (Act.  1,  8),  Vos  eritis  mihi  testes.  Proinde  quo  odiosior  est  in  mundo  evangelii  doctrina,  eo  fortius  eluctari  debent  ad  ingenuam  eius  confessionem.  Quum  addit  neque  mei,  hoc  verbo  Timotheum  admonet  ne  bibi,  tanquam  in  communi  causa,  recuset  esse  socius.  Nam  quum  incipimus  subducere  nos  ab  eorum  societate,  qui  propter  Christi  nomen  persequutionem  sustinent,  quid  aliud  quam  evangelium  quaerimus  ab  omni  persequutione  immune?  Atqui  quum  non  deessent  multi  impii,  qui  ita  insultarent  Timotheo  :  Non  vides  quid  magistro  tuo  acciderit?  An  nescis  idem  praemium  te  quoque  manere?  Quid  nobis  doctrinam  obtrudis  quam  exsibilari  vides  a  toto  mundo?  necesse  fuit  eum  erigi  hac  exhortatione:  Non  est  quod  te  mei  pudeat,  in  quo  nihil  est  pudendum.  Sum  enim  vinctus  C  h  r  i  s  t  i  :  hoc  est,  non  ob  maleficium  aliquod  vel  crimen,  sed  propter  eius  nomen  in  vinculis  teneor.  Sed  esto  particeps  afflictionum.  Rationem  praescribit  qua  fiat  quod  praecepit:  nempe  si  ad  tolerandas  afflictiones  se  comparet  Timotheus,  quae  sunt  cum  evangelio  coniunctae.  Quisquis  enim