5:351  CATECHISMUS.  hiberi,  non  secus  ac  si  praesens  ipse  aspectui  nostro  obiiceretur,  ac  manibus  attrectaretur:  atque  adeo1)  tanta  virtute,  tantaque  efficacia,  ut  non  modo  indubitatam  vitae  aeternae  fiduciam  ^  animis  nostris  afferat  sed  de  carnis  etiam  nostrae  immortalitate  securos  nos  reddat.  Siquidem  ab  immortali  eius  carne  iam  vivificatur,  et  quodammodo  eius  immortalitati  communicat.  Proinde  sub  pane  et  vino  repraesentantur  corpus  et  sanguis.  Quo  discamus,  non  modo  nostra  esse,  sed  nobis  esse  in  vitam  et  alimentum,  sic,  quum  panem  videmus  in  [pag.  46]  Christi  corpore  sanctificatum,  haec2)  statim  concipienda  est  similitudo.  Ut  corporis  nostri  vitam  panis  alit,  sustinet,  tuetur:  ita  Christi  corpus,  vitae  nostrae  spiritualis  cibum  ac  protectionem  esse.  Quum  vinum  in  symbolum  sanguinis  profertur,  quos  affert  corpori  usus,  eosdem  spiritualiter  Christi  sanguine  nobis  afferri  reputemus.  Porro  hoc  mysterium,  ut  est  tantae  erga  nos  divinae  largitatis  documentum,  ita  simul8)  admonere  debet,  ne  tam  effusae  benignitati  ingrati  stmus.  Quin  potius  eam,  quibus  par  est  laudibus  praedicemus,  gratiarumque  actione  celebremus.  Tum  ut  nos  vicissim  ea  amplectamur  unitate,  qua  compacta  inter  se  eiusdem  corporis  membra  connectuntur.  Nullus  enim  ad  excitandam4)  inter  nos  mutuam  caritatem  admoveri  acrior  stimulus  poterat,  quam  dum  Christus  se  ipsum  nobis  donans,  non  modo  suo  nos  exempto,  ut  alter  alteri  nos  mutuo  devoveamus  ac  dedamus  invitat:  sed  ut  se  facit  omnium  communem,  %ta  quoque  omnes  unum  in  semet  ipso  esse  facit.  DE  ECCLESIAE  PASTORIBUS  ET  EORUM  POTESTATE.  Quoniam  quum  verbum,  tum  sacramenta,  hominum  ministerio  dispensari  voluit  Dominus,  pastores  ecclesiis  praeesse  oportet,  qui  et  sincera  doctrina  publice  privatimque  plebem  erudiant,  sacramenta  ipsa  administrent,  et  optimo  exemplo  ad  vitae  sanctitatem  ac  puritatem  instituant.  Hanc  disciplinam  et  hunc  ordinem  qui  aspernantur,  non  hominibus,  sed  Deo  sunt  contumeliosi,  adeoque  se  ab  ecclesiae  societate  factiose  subducunt:  ut  quae  sine  eiusmodi  ministerio  consistere  nullo  [pag.  47]  modo  potest.  Non  enim  parvi  momenti  est,  quod  semel  testatus  est  Dominus:  semet  ipsum  recipi,  dum  illi  recipiuntur:  pariter  et  abiici,  dum  illi  abiiciuntur  (Matth.  10,  40).  Ac  ne  contemptibile  foret  eorum  ministerium,  insigni  mandato  instruuntur  ligandi  et  solvendi  (Matth.  16,  19):  addita  promissione,  quaecunque  in  terris  ligaverint  aut  solverint,  ligari  et  solvi  in  coelo  1)  Instit,  p.  247.  2)  Ibid.  p.  238.  3)  Ibid.  p.  251  seq.  4)  Ibid.  p.  254.