47:351  351  IN  EVANGELIUM  IOANNIS  352  est  causae  ratio,  nec  alibi  vera  consolatio  est,  quam  in  testimonio  bonae  conscientiae.  Hinc  etiam  ad  gratitudinem  erigendi  sunt  animi,  quod,  dum  in  caecitate  sua  mundus  perit,  Deus  nos  sua  luce  dignatus  est.  Interea  tenendum  est,  Christi  odium  ex  stupore  mentis  provenire,  quum  Deus  non  cognoscitur.  Nam,  ut  saepe  dico,  caeca  est  incredulitas,  non  quod  nihil  intelligant  vel  sentiant  impii,  sed  quia  confusum  est  quidquid  habent  notitiae,  et  statim  evanescit.  Qua  de  re  alibi  copiosius  tractavi.  22.  Si  non  venissem  ei  loquutus  fuissem  eis,  peccatum  non  haberent:  nunc  autem  excusationem  non  habent  de  peccato  suo.  23.  Qui  me  odit,  patrem  quoque  meum  odit*  24.  Si  opera  non  fecissem  inter  eos,  quae  nemo  alius  fecit,  peccatum  non  haberent:  nunc  autem  et  viderunt  et  oderunt  tam  me  quam  patrem  meum.  25.  Sed  ut  impleatur  sermo  scriptus  in  lege  eorum.  Quod  oderunt  me  gratis.  26.  Quum  autem  venerit  paracletus,  quem  ego  mittam  vobis  a  patre,  spiritus  veritatis,  qui  a  patre  procedit,  ille  testificabitur  de  me,  27.  Et  vos  etiam  testimonium  redditis,  quia  ab  initio  estis  mecum.  22.  Si  non  venissem.  Quod  Iudaeos  dixerat  odio  prosequi  evangelium,  quia  Deum  non  cognoscerent,  ne  quis  hoc  valere  putaret  ad  levandam  eorum  culpam,  subiicit  eos  maligne  caecutire,  quemadmodum  si  quis  claudat  oculos,  ne  lucem  adspicere  cogatur.  Nam  alioqui  obiectum  fuisset  Christo,  Si  patrem  tuum  ignorant,  qui  fit  ut  eorum  errori  non  succurras?  Cur  non  saltem  tentasti,  an  prorsus  essent  indociles  necne?  Respondet,  se  boni  ac  fidi  doctoris  officio  perfunctum  esse,  sed  sine  profectu,  quia  eos  malitia  ad  sanam  mentem  redire  passa  non  fuerit.  Porro  sub  illorum  persona  terrorem  incutere  omnibus  voluit,  qui  Dei  veritatem  vel  sibi  oblatam  respuunt,  vel  cognitam  volentes  oppugnant.  Etsi  autem  illos  terribilis  manet  Dei  vindicta,  Christus  tamen  suos  discipulos  hic  magis  respicit:  ut  certa  victoriae  fiducia  eos  animet,  ne  quando  succumbant  impiorum  malitiae.  Nam  ubi  talem  audimus  fore  exitum,  iam  quasi  in  media  pugna  triumphum  agere  licet.  Peccatum  non  haberent.  Videtur  innuere  Christus  his  verbis,  solam  incredulitatem  peccatum  esse,  et  sunt  quibus  ita  videtur.  Augustinus  quidem  magis  sobrie,  sed  tamen  ad  eum  sensum  accedit.  Nam  quia  fides  remittit  et  delet  omnia  peccata,  dicit  unum  esse  incredulitatis  peccatum  quod  damnet.  Vere  hoc  dicitur,  quandoquidem  noa  modo  obstat  incredulitas,  ne  eximantur  homines  a  mortis  reatu,  sed  fons  et  causa  est  malorum  omnium.  Caeterum  tota  illa  disputatio  nihil  ad  praesentem  locum  facit.  Neque  enim  generaliter  accipitur  peccati  nomen,  sed  pro  circumstantia  causae  quae  tractatur:  ac  si