41:351  351  SERMON  III.  352  plaisir,  On  pourroit  ici  demander,  quand  Dieu  donne  une  telle  maieste  aux  princes,  qu'ils  sont  craints  et  redoubtes,  que  personne  ne  leur  contredit,  est  ce  a  fin  qu'ils  se  donnent  une  licence,  pour  faire  ce  que  bon  leur  semblera?  Car  il  semble  (de  prime  face)  que  le  propos  de  Daniel  y  pretende,  mais  la  solution  sera  bien  facile,  par  les  autres  passages  de  l'ecriture.  C'est  ascavoir  que  quand  Dieu  ordonne  les  Princes,  et  qu'il  les  esleve  en  estat,  il  leur  monstre  comment  c'est  qu'ils  doivent  dominer,  et  combien  qu'ils  aient  toute  licence  du  coste  des  hommes,  qu'ils  se  donnent  d'eux  mesmes  auctorite  d'imposer  loy,  telle  que  bon  leur  semble,  combien  di  ie  que  les  Princes  quant  a  ce  monde,  ayent  une  puissance  infinie,  que  personne  ne  leur  contredit,  qu'il  ni  ait  nul  qui  leur  impose  necessite,  si  est  ce  que  du  coste  de  Dieu  ils  sont  tousiours  comme  brides,  il  faut  qu'ils  connoissent  que  Dieu  ne  leur  a  point  mis  la  bride  sur  le  col  pour  dominer  a  leur  phantasie  (Car  nous  scavons  quelles  sont  les  cupidites  des  hommes)  Mais  qu'ils  cheminent  en  modestie  et  humilite  devant  Dieu,  sachant  qu'il  faut  qu'ils  luy  soient  assubietis  aussi  bien  que  tout  le  reste.  Et  voila  aussi  comme  il  en  a  este  parle  en  la  loy  de  Moise,  car  quand  Dieu  monstre,  quel  sera  l'estat  du  Roy,  il  dit  qu'il  n'aura  point  un  train  par  trop  excessif,  qu'il  ne  pillera  point  le  peuple,  qu'il  ne  s'eslevera  point  en  orgueil  par  dessus  ses  freres.  Voila  donc  a  quelle  condition,  les  Roys  sont  institues  quand  ils  voudront  servir  a  Dieu  fidelement  en  leur  estat,  comme  au  dixseptieme  du  deuteronome,  mesmes  Dieu  leur  monstre,  qu'ils  doivent  avoir  en  plus  grande  recommandation  sa  loy,  et  son  service,  que  le  reste  du  peuple,  et  pour  cette  cause  il  commandoit,  qu'il  y  eust  un  livre  a  part,  pour  les  Roys,  encores  qu'ils  eussent  desia  un  livre  de  la  Loy,  neantmoins  qu'il  y  eust  un  livre  particulier,  et  qu'il  ne  fust  que  pour  le  Roy,  comme  maintenant  qui  diroit,  que  tous  ceux  qui  sont  en  estat  public  devroient  mieux  frequenter  les  sermons,  que  les  personnes  privees  ce  qui  est  tresmal  praticque.  Nous  voions  donc  comme  Dieu  tient  les  Roys  en  bride,  et  en  mesure,  qu'il  leur  declare  qu'ils  ne  doivent  point  dominer  comme  bon  leur  semblera,  mais  comme  il  leur  commande.  Et  comment  est  ce  que  Dieu  souffre  et  permet,  que  les  Roys  dominent  souventesfois  en  telle  facon,  qu'ils  imposeront  tributs,  et  exactions  sur  le  peuple,  qu'ils  ne  se  contenteront  point  d'avoir  les  biens,  mais  prendront  les  personnes,  et  en  abuseront  en  des  choses  villaines  et  infames?  Car  c'est  la  practique  commune,  et  cela  se  souffre  plus  qu'il  ne  seroit  de  besoin.  Comment  donc  cela  avient  il?  D'autant  que  Dieu  veut  humilier  le  peuple.  Que  s'il  permet  que  les  Princes  se  desbordent,  qu'ils  ne  tiennent  point  de  reigle,  ni  de  mesure  en  leur  estat,  c'est  qu'il