25:351  351  REDITUS  AD  HISTORIAM.  352  mundo  migrare,  quia  in  hunc  finem  natus  est.  Simul  tamen  notatur  discrimen  inter  hominum  et  brutorum  animalium  mortem,  unde  nascitur  optima  consolatio:  quia  si  mors  nostra  extremus  esset  interitus,  non  diceremur  cum  patribus  dormire.  Cur  scortationis  nomine  idololatriam  designet  spiritus,  alibi  visum  fuit,  simul  cur  falsos  omnes  deos  vocet  alieni,  vel  alienorum:  nempe  quia  sicuti  Deus  Tolebat  unus  coli  in  Israele,  ita  hoc  epitheto  se  insignierat,  quod  esset  Deus  Israelis.  Crimen  amplificatur,  quod  non  tantum  rursus  ad  superstitiones  ferentur  quas  didicerant  in  Aegypto,  sed  inquinamentis  terrae  Chanaan  se  polluent:  quibus  tamen  tam  volebat  Deus  ipsorum  manu  purgari.  Emphatice  ergo  haec  legenda  sunt:  Scortabitur  populus  post  deos  terrae  ad  quam  descendit,  et  quidem  in  medio  eius:  fuit  enim  longe  indignius,  falsos  deos  amplecti,  quorum  victores  et  iudices  fuerant,  quam  nova  idola  sibi  fingere.  Altera  subiicitur  criminis  exaggeratio,  quod  Deum,  a  quo  fuerant  cooptati  in  filios,  deserent,  et  impie  desciscent  ab  eius  foedere:  neque  enim  errorem  ipsis  obtendere  licuit,  quum  toties  tam  clare  et  tam  graviter  admoniti  fuissent.  Interea  discamus  ex  hoc  loco,  quicunque  deflectunt  ad  vitiosos  cultus,  esse  foedifragos,  atque  ita  inanes  esse  eorum  praetextus  qui  se  una  cum  idolis  summum  Deum  colere  simulant.  17.  Itaque  irascetur.  Poenam  denunciando  haud  dubie  fraenum  iniicere  Deus  voluit  ad  prohibendam  populi  vesaniam  :  sed  quia  id  fiebat  absque  profectu,  alia  fuit  huius  doctrinae  utilitas,  ut  severe  pro  merito  suo  castigati,  quamvis  sero,  demum  tamen  resipiscerent,  alioqui  frustra  inflictae  fuissent  poenae  :  neque  unquam  in  mentem  venisset,  iustam  ingratitudini  et  perfidiae  suae  mercedem  rependi.  Hic  quidem  primus  esset  gradus  prudentiae,  sponte  eligere  quod  rectum  est,  secundus  vero,  audita  admonitione,  cavere  et  malo  ire  obviam.  Verum  si  eousque  excaecatae  sunt  mentes,  ut  nihil  prosint  obiurgationes  vel  minae,  superest  hoc  tertium,  ut  qui  rebus  adhuc  tranquillis  fuerunt  socordes,  tandem  sentire  incipiant  se  Dei  manu  percuti,  atque  ita  in  agnitionem  culpae  trahantur.  Ergo  quamvis  simplex  admonitio,  quamdiu  effectu  carebat,  spreta  fuerit  ab  Israelitis:  ex  quo  tamen  eventu  et  experientia  fuerunt  edocti,  fructum  suum  produxit.  Et  nobis  quotidie  idem  usu  venit:  vix  decimus  quisque  piorum  quantisper  poenas  Deus  differt,  occurrit  eius  iudicio  :  qui  vero  expergefacti  sunt  a  suo  torpore,  quas  prius  secure  praeterierant  minas,  serio  expendunt,  ut  convicti  se  ipsos  damnent.  Per  nomen  ^Dtf  vultum  potius  hic  intelligo  quam  excandescentiam:  quia  loquutio  melius  convenit:  deinde  effectum  irae  suae  ostendit,  quod  auxilio  destituti,  corripientur  omni  genere  malorum,  donec  consumantur  et  pereant.  Ad  haec,  angustiis  constrictum  iri  affirmat  quae  con-