9:350  sum  1)  colligere  incipiat,  neque  ita  posthac  indulgeat  suae  iracundiae  et  violentiae.  Quod  si  tantopere  eum  oblectant  paradoxa,  quae  aedificationem  ecclesiae  pervertunt,  saltem  ingenio  suo  temperare  discat,  et  vehementiam  illam  in  qua  nimius  est  fraenare.  Quod  ad  rem  ipsam  spectat,  videndum  primum,  quid  significet  nomen  mediatoris.  Nam  certe  λόγος  aeternus  iam  ab  initio  ante  lapsum  Adae,  et  alienationem  ac  dissidium  humani  generis  a  Deo,  fuit  mediator.  Atque  hoc  sensu,  nisi  fallimur,  vocatur  a  Paulo  primogenitus  omnis  creaturae.  Et  Ioannes  quum  asserit  in  ipso  fuisse  vitam,  modum  communicationis2)  ostendit  quo  ex  fonte  alioquin  abscondito  manavit  ad  homines  Dei  gratia.  Ergo,  quatenus  integro  adhuc  rerum  statu  caput  angelorum  et  hominum  fuit  Christus,  iure  censetur  mediator,  qualem  nunc  quoque  electi  angeli  experiuntur  et  agnoscunt.  Defectio  autem  hominis  fecit,  ut  expiatione  opus  esset  ad  nos  Deo  reconciliandos.  Itaque  considerandus  est  Christus  mediator  cum  sacrificio  suo,  quo  placavit  iram  Dei,  ut  in  spem  nos  beatae  vitae,  a  qua  excideramus,  restitueret.  Mediatorem  vero  esse  docemus,  non  unius  tantum  naturae  respectu,  sed  quatenus  Deus  est  manifestatus  in  carne.  Quae  fides  in  rationibus  firmis  et  validis  fundata  est,  quas  etsi  aliqua  ex  parte  explicuimus  in  priore  nostro  responso,  hic  tamen  iterum  summam  colligere  expedit.  Primo  constat  non  esse  credendum  nisi  in  Deum.  Atqui  iubet  Christus  (Ioann.  14,  6)  discipulis3)  in  se  credere:  quomodo?  vel  qua  ratione?  Nempe,  ut  continuo  post  sequitur,  non  modo  quia  est  veritas  et  vita,  sed  quia  via  est  ad  patrem.  Quod  si  in  Christum  mediatorem  credendum  est,  certe  munus  hoc  complectitur  simul4)  duas  naturas  :  deinde  quum  Christus  summum  imperium  obtineat  in  coelo  et  in  1)  se  tandem  T.  2.  2)  communionis  T,  2.  3)  discipulos  suos  B.  T.  1,  %  4)  simul  om.  Laus.  add.  in  se  B.  T.  2.