6:350  ad  Christum  [pag.  163]  manu  ducat.  Verum  quoniam  de  solis  praeceptis  frustra  haec  dicerentur,  vel  saltem  parum  homini  conducerent,  non  nisi  in  exitium  scilicet  illi,  propter  naturae  vitium  cessura:  ideo  non  per  κατάχρησιν,  sed  secundum  proprium  et  literalem,  ut  sic  loquar,  sensum,  ad  evangelium  traducit  Paulus.  Atqui  haec  illusoria  sunt:  Praecipio  ut  facias,  propono  in  conspectu  tuo*  hodie  vitam  et  mortem:  si  contemptoribus  dicantur,  quos  necesse  sit  in  sua  duritie  ac  contumacia  persistere,  donec  cor  ipsorum  lapideum  reformet  Deus.  Non  sic  Paulus,  qui  legem  ideo  ministerium  mortis,  et  damnationis  vocat  (2  Cor.  3,  7),  quod  nihil  quam  occidere  et  exitio  dare  suos  discipulos  potuerit,  nisi  per  novum  foedus  cordibus  insculpta  esset.  His  dictis,  quasi  me  constrictum  ad  suum  tribunal  reum  iudex  teneat,  sufficienter  demonstratum  pronunciat,  quam  contraria  sententiae  nostrae  sit  tota  scriptura.  Ego  vero  consulo,  si  quid  iudicare  posthac  velit,  ut  se  prius  ad  Anticyram  conferat:  unde  sanioris  et  purgatioris  cerebri  redeat.  IN  LIBRUM  QUINTUM.  Libro  quinto  in  hoc  elaborat,  1)  ut  recitatis  iterum  haereticis  veteribus,  qui  in  praesenti  quaestione  aberrarunt,  inter  diversas  et  pugnantes  sectarum  opiniones  sic  temperatam  ostendat  suam,  suique  similium  doctrinam,  ut  ab  extremis  hinc  inde  retracta,  mediocritatem  retineat:  nos  vero  contra,  ex  singulis  eorum  qui  libertati  arbitrii  derogarunt,  aliquid  hausisse;  atque  ita  permixtam  partim  ex  multis  variisque  erroribus  doctrinam  habere  convincat,  partim  nova  etiam  commenta  addidisse,  quae  omnem  priorum  haereticorum  impietatem  superent.  Nos  enim  cum  Marcione,  Valentino,  Manichaeo,  et  similibus,  naturam  hominis  malam  fingere;  cum  VViclefuo  et  Laurentio  Valla,  hominem  divinae  tantum  voluntatis  instrumentum  [pag.  164]  facere,  ut  agatur  potius,  quam  agat.  Omnia  suspendere  ex  Dei  unius  arbitrio:  ut  nihil  nobis  contingenter  accidat,  sed  mera  necessitate  omnia.  Hoc  vero  aliis  omnibus  habere  peius,  quod  tantae  perversitatis  naturam  totam,  quanta  quanta  est,  damnamus,  ut  nihil  possit  quam  male  agere,  etiam  in  sanctis:  quum  illi,  Valentinus  scilicet,  Marcion,  ac  Manichaei,  partim  bonam,  partim  malam  docuerint.  Dixi  iam  ante,  et  quasi  digito  indicavi,  quam  putida  sit  calumnia,  quod  nos  ita  Marcioni  et  Manichaeis  subinde  adiungit:  a  quibus  non  minus  dissidemus,  quam  Pighius  ipse  a  nobis.  Quod  naturam  tradi-  1)  Sic  sola  princeps.  Caeterae  omnes:  elaborabat.  Gallus:  il  insietoit.