54:350  pendant  il  n'oublie  point  l'Eglise  d'Ephese,  car  il  y  envoye  Tychique,  afin  qu'il  supplee  au  defaut  de  Timothee.  Il  adiouste  la  raison  pourquoy,  Ie  suis  seul  (dit-il),  car  Demas  m'a  laisse,  ayant  aime  ce  present  monde,  et  s'en  est  alle  a  Thessalonique.  Crescens  s'en  est  alle  en  Galatie,  Tite  en  Dalmatie.  Il  n'y  a  que  Luc  avec  moy.  En  ceci  sainct  Paul  monstre  qu'il  avoit  besoin  de  la  presence  de  Timothee  pour  luy  aider  en  la  defense  de  l'Evangile.  Or  il  estoit  alors  detenu  prisonnier,  et  n'attendoit  que  l'heure  de  la  mort:  il  prevoyoit  de  grans  troubles,  pource  que  les  infirmes  sont  scandalisez  tantost,  sinon  qu'ils  eussent  occasion  de  se  confermer  en  la  foy.  Sainct  Paul  donc  prevoit  cela,  et  pourtant  il  desire  que  Timothee  soit  pres  de  luy  a  l'heure  de  son  trespas,  ou  bien  pour  quelque  autre  chose  necessaire  que  Dieu  luy  commandoit,  ou  il  ne  pouvoit  pas  fournir  luy  seul.  Yoila  donc  en  somme  ce  qu'il  dit  en  ce  passage.  Mais  afin  que  nous  ne  pensions  point  que  ce  soyent  propos  familiers,  et  qui  ne  servent  de  rien  a  l'Eglise,  et  que  le  S.  Esprit  nous  ait  ici  couche  des  choses  superflues  parmi  la  doctrine  de  nostre  salut,  notons  quand  sainct  Paul  exhorte  et  prie  Timothee  de  venir  bien  tost,  par  cela  il  nous  monstre  que  ce  n'est  point  peu  de  chose  que  pour  l'edification  commune  de  toute  l'Eglise  on  previene  les  troubles  et  les  scandales  que  le  diable  suscite  quand  il  y  a  quelque  changement  et  mutuation.  Et  ceci  est  bien  utile.  Car  nous  voyons  tous  les  iours  que  les  serviteurs  de  Dieu  sont  molestez,  il  semblera  que  l'edifice  s'en  doyve  aller  en  ruine  quand  les  meschans  auront  la  vogue,  que  les  ennemis  de  verite  exerceront  leur  cruaute  contre  les  enfans  de  Dieu:  il  y  aura  des  changemens.  Cela  donc  seroit  pour  esbranler  la  foy  des  fideles.  Pourtant  il  faut  que  nous  en  soyons  advertis,  afin  de  n'estre  point  saisis  d'une  frayeur  soudaine,  mais  que  de  longue  main  nous  ayons  premedite  cela,  afin  que  quoy  qu'il  adviene  nous  demeurions  tousiours  fermes,  que  nous  ne  flechissions  point  ne  ca  ne  la,  mais  plustost  que  nostre  foy  ait  une  constance  invincible,  pour  surmonter  tous  les  assauts  que  le  diable  nous  dresse.  Voila  pour  un  item.  Et  mesmes  quand  nous  oyons  que  sainct  Paul  attire  Timothee  d'outre  mer  pour  estre  avec  luy  pour  la  defense  de  l'Evangile,  cognoissons  que  c'est  une  chose  precieuse  que  la  parole  de  Dieu  soit  maintenue.  Quand  quelqu'un  sera  persecute,  il  faut  bien  qu'il  cognoisse,  Voici  une  charge  difficile  que  ie  soustien  sur  mes  espaules,  mais  elle  est  honorable,  et  c'est  le  plus  grand  sacrifice  que  ie  puisse  offrir  a  Dieu  que  de  maintenir  la  querelle  de  son  Evangile,  et  de  rendre  les  meschans  confus.  Quant  a  moy  ie  soustien  le  nom  de  mon  Dieu,  et  faut  que  ie  persiste  en  cela  iusques  a  la  fin.  Ainsi  nous