5:350  [pag.  44]  DE  BAPTISMO.  Baptismus  1)  nobis  a  Deo  datus,  primum  ut  nostrae  apud  se  fidei,  deinde  ut  confessioni  apud  homines  serviret.  Fides  promissionem  respicit,  qua  misericors  pater  Christi  sui  communicationem  offert,  ut  ipso  induti,  omnium  eius  bonorum  participes  simus.  Duo  tamen  peculiariter  repraesentat:  purgationem,  quam  in  Christi  sanguine  obtinemus:  carnis  nostrae  mortificationem,  quam  eius  morte  sumus  assequuti.  Iussit  enim  Dominus  suos  baptizari  in  remissionem  peccatorum.  Et  Paulus  docet,  ecclesiam  a  sponso  Christo  sanctificatam  esse,  et  mundatam  lavacro  aquae,  in  verbo  vitae  (Ephes.  5,  29).  Rursum  in  Christi  mortem  baptizatos  esse  nois,  interpretatur,  morti  eius  consepultos,  ut  in  vitae  novitate  ambulemus  (Rom.  6,  4).  Quibus  non  significatur,  purgationis  ac  regenerationis  causam,  vel  etiam  efficaciam  aquae  subesse:  sed  duntaxat  talium  donorum  in  hoc  sacramento  percipi  cognitionem,  quando  accipere,  obtinere,  impetrare  dicimur,  quod  nobis  credimus  a  Domino  datum:  sive  id  tum  primum  agnoscimus,  sive  agnitum  antea  certius  persuademur.  Confessioni2)  autem  nostrae  apud  homines  sic  servit,  siquidem  nota  est,  qua  palam  profitemur,  nos  Dei  populo  accenseri  velle,  quo  unum  cum  omnibus  piis  Deum,  eadem  religione  colamus.  Quum  ergo  baptismo  praecipue  foedus  Domini  nobiscum  sanciatur,  iure  infantes  nostros  baptizamus,  consortes  scilicet  foederis  sempiterni:  quo  pollicetur  Dominus  se  fore  Deum,  non  nostrum  modo,  sed  seminis  nostri.  [pag.  45]  DE  COENA  DOMINI.  Quem3)  in  finem  institutum  sit  coenae  mysterium,  ac  quorsum  spectet,  promissio  illic  addita  perspicue  declarat.  Nempe  ut  nobis  confirmet,  corpus  Domini  sic  pro  nobis  semel  traditum,  ut  nunc  nostrum  sit,  ac  perpetuo  etiam  futurum:  sanguinem  eius  sic  pro  nobis  semel  effusum,  ut  noster  sit  semper  futurus.  Symbola  sunt,  panis  et  vinum,  sub  quibus  veram  corporis  ac  sanguinis  sui  communicationem  Dominus  exhibet:  sed  spiritualem,  quae  scilicet  vinculo  spiritus  eius  contenta,  praesentiam  aut  carnis  sub  pane,  aut  sanguinis  sub  calice  conclusam  et  circumscriptam  minime  requirat.  Tametsi  enim  ipse  in  coelum  sublatus  residere  in  terra  desiit,  in  qua  nos  adhuc  peregrinamur,  nullum  tamen  intervallum  eius  virtutem  solvere  potest,  quin  fideles  semetipso  pascat,  ac  efficiat  ut  loco  absentes,  tamen  praesentissima  sui  communicatione  fruantur.  Huius  rei  documentum  nobis  in  coena  praebet  adeo  certum  ac  luculentum,  ut  procul  dubio  statuendum  sit,  Christum  cum  suis  omnibus  divitiis,  nobis  ex-  1]  Insiti,  p.  217  seqq.  2)  Ibid.  p.  227.  3)  Ibid.  p.  236.