25:350  eis:  et  consumetur,  et  invenient  eum  mala  multa,  et  angustiae:  dicetque  in  die  Uia:  Nonne  propterea  quod  non  est  Deus  meus  in  medio  mei  invenerunt  me  mala  haec?  18.  Ego  vero  abscondendo  abscondam  faciem  meam  in  die  illa,  propter  omne  malum  quod  fecerit,  quod  converterit  se  ad  deos  alienos.  19.  Nunc  itaque  scribite  vobis  canticum  istud,  et  doce  illud  filios  Israelis:  pone  illud  in  ore  eorum,  ut  sit  mihi  canticum  istud  in  testem  contra  filios  Israelis.  20.  Introducam  enim  eum  in  terram  quam  iuravi  patribus  eius,  fluentem  lacte  et  melle:  comedet  autem  et  saturabitur,  impinguabitque  se:  tunc  convertet  se  ad  deos  alienos,  et  colent  eos,  vilipendentque  me,  et  irritum  facient  pactum  meum.  21.  Quum  autem  invenerint  eum  mala  plurima,  et  angustiae,  tunc  respondebit  canticum  istud  in  conspectu  eius  in  testem:  non  enim  oblivioni  tradetur  ab  ore  seminis  eius,  novi  enim  ingenium  eius,  et  quid  ipse  faciat  hodie  antequam  introduxerim  eum  in  terram  de  qua  iuravi.  22.  Scripsit  itaque  Moses  canticum  istud  eo  die,  et  docuit  illud  filios  Israelis.  14.  Et  dixit  Iehova  ad  Mosen.  Iam  solenni  ritu  sufficitur  Iosua  in  locum  Mosis  :  non  tantum  quo  sanctior  sit  apud  homines,  ac  plus  venerationi  obtineat,  sed  etiam  ut  coram  Deo  sistatur,  atque  ita  agnoscat  eius  imperio  se  addictum.  Nam  quod  adductus  est  ad  ostium  tabernaculi,  species  fuit  consecrationis  :  et  Deus  etiam  pronunciat  se  daturum  mandata:  quod  tantundem  valet  atque  ipsum  instruere  ad  peragendum  suum  munus.  Quod  autem  apparuit  Dei  gloria  in  nube,  id  non  minus  privatim  ad  confirmandum  eius  animum  valuit  quam  publice  ad  dignitatem  eius  ornandam.  Neque  enim  unquam  admissus  fuisset  Mosis  successor,  nisi  haec  visibilis  Dei  commendatio  iuguin  populo  imposuisset.  16.  Ecce,  tu  dormiturus.  Quo  ardentius  conetur  Moses  retinere  populum  in  Dei  obsequio,  de  indomita  illius  contumacia  monetur:  Satis  superque  quam  pravis  et  praefractis  ingeniis  essent  Israelitae,  quamque  immorigeri  et  contumaces,  pridem  expertus  erat.  Nunc  pronunciat  Deus  nihilo  meliores  fore  post  eius  mortem  :  imo  plus  licentiae  sumpturos  ex  eius  absentia.  Videtur  enim  subesse  antithesis  inter  duo  verba  :  Cubandi  et  Surgendi,  ac  si  dictum  esset:  Ex  quo  obdormieris  prorumpet  eorum  petulantia,  ac  si  legibus  soluti  essent:  non  quod  repenteid  contigerit:  quia  sub  Iosue  aliquid  modestiae  et  docilitatis  prae  se  tulerunt:  saltem  tunc  viguit  exterior  purae  religionis  forma:  sed  paulo  post  ad  suos  mores  relapsi  sunt.  Et  forte  utile  remedium  fuit  haec  admonitio,  ne  tam  cito  deficerent.  Nunc  postquam  tenemus  consilium  Dei,  verba  breviter  expendere  convenit.  Quum  Mosi  dicitur:  Dormies  cum  patribus,  primum  exprimitur  generis  humani  conditio,  ne  durum  sit  Mosi  post  alios  omnes  e