20:350  accepimus.  Hunc  eundem  definito  tempore  non  figurate,  sed  vere  et  proprie  natum,  mortuum,  passum,  resurrexisse,  ascendisseque,  ut  ingenue  cum  Thoma  exclamare  audeamus  ad  Christum  hunc  pro  nobis  crucifixum:  Dominus  meus  et  Deus  meus.  In  eadem  simplicitate  eiusdem  lucis  filii  Dei  spiritum  sanctum  a  patre  procedentem  adoramus,  glorificamus.  De  plenitudine  autem  Iesu  Christi  hunc  hauriri  ab  electis  confitemur  voce  Iesu  Christi  in  hac  fide  animati,  qui  dicit  se  missurum  alium  paracletum,  qui  a  patre  procedit.  Propterea  nullas  fides  novas  praeter  vetustissimam  apostolicam  singuli  in  hoc  coetu  nostro  professi  sumus.  Admoniti  superioribus  seculis,  quam  in  tristissimis  tenebris  versati  sumus,  quamdiu  vocem  unam  solamque  unius  pastoris  nostri  filii  Dei,  sine  humanae  sapientiae  additamentis  non  audivimus:  quam  quum  nunc  vel  toties  propius  exaudire  per  Dei  clementiam  liceat,  a  nemine  pio  innovationis  et  inconstantiae  nota  nobis  inuri  potest.  Crescere  enim  et  augere  in  una  eademque  fide  donec  occurramus  in  virum  perfectum  plenae  aetatis  Christi,  non  nova  dogmata  sequi  ab  apostolo  dicuntur,  quicunque  fundamento  prophetarum  et  apostolorum  nixi  inventa  traditionesque  humanas  susque  deque  ferunt,  ut  quibus  frustra  colitur  Deus.  Solius  autem  verbi  divini  ea  est  apud  omnes  electos  reverentia  (quorum  de  numero  nos  esse  non  diffitemur)  ut  illi  nec  addere,  nec  quicquam  imminuere  fas  esse  credant.  In  qua  fide  conservet  nos  augeatque  ille  solus  unus  verus  Deus,  pater,  per  filium  suum  unigenitum  in  spiritu  sancto.  Amen  !  8  )  4126.  BULLINGERUS  LASICIO.  Castellionis  integritatem  quam  ille  laudaverat  se  non  curare  docet  dum  constet  eam  non  impediyisse  quominus  monstrosa  dogmata  profiteretur.  Amicitiam  suam  solis  orthodoxis  certam  esse.  (Vide  ad  N.  4124.)  S.  D.  Qualis  quantaque  fuerit  Castalionis  probitas  atque  integritas  nescio.  Nam  non  antea  ille  mihi  familiariter  notus.  Hoc  tamen  certo  scio  ipsum  8)  Subscripserunt  huic  confessioni  ministri  L,  et  nobiles  circiter  XXX.  Lismaninus  a  synodo  aberat.  S.  .  Respondit  Beza  a.  d.  XIV.  Gal.  Apr.  1565.  Cuius  exstat  Epistola  ad  Badzivihum  de  unitate  essentiae  divinae,  in  eius  Tract.  theoL  I.  646.