8:35  35  DE  SCANDALIS.  36  latius  tamen  propagari  non  desiit.  Idque  vere  fuit  sub  crucis  ignominia  triumphare.  Imo  qui  omnes  circumstantias  qua  decet  aequitate  reputabit,  inter  mortes  innumeras  fatebitur  continuam  fuisse  multarum  resurrectionum  seriem.  Quod  pro  sua  difficultate  nobis  incredibile  foret,  si  quis  narraret  posthac  futurum:  nunc  quum  factum  est,  non  modo  contemnere,  sed  offensionis  loco  ducere,  non  iudicii  est,  sed  maligni  fastidii.  Illi  quidem  maxime  violenti  fuerunt  impetus,  sed  aliae  quoque  aetates  ab  eadem  crucis  militia  minime  immunes  fuerunt.  Quin  duriora  certamina  sunt  experti,  qui  sincere  ac  fideliter  Deo  servire  tunc  volebant.  Fasces  Christi  regno  submiserat  romanum  imperium.  Videri  ecclesia  poterat  in  beata  quietis  et  gloriae  sede  collocata.  Barbarae  etiam  nationes  in  Christi  possessionem  concesserant.  Verum  haeretici  interea  ac  perfidi  homines  rerum  sic  potiebantur,  ut  probi  verique  pastores  a  suis  ecclesiis  per  vim  nec  sine  ignominia  fugati  in  regionibus  ignotis  exsularent.  Ac  ne  exsilium  quidem  illis  permissum  fuisset,  nisi  latuissent  ab  hostium  tyrannide.  Quod  tam  atroci  persequutionum  violentiae  exposita  saepe  fuit  ecclesia,  quod  fere  prostrata  sub  hostium  pedibus  iacuit,  procul  quidem  hoc  abest  a  specie  terrenae  dignitatis.  Quod  autem  exiguus  piorum  numerus  invicta  fidei  constantia  tantos  persequutionum  fluctus  superavit,  quod  superstes  omnibus  tyrannis  ac  haereticis  fuit  ecclesia,  quae  veram  fidei  doctrinam  ad  posteros  transmitteret,  hoc  vero  est  luculentum  divinae  virtutis  testimonium,  quod  supra  omnes  mundi  glorias  [pag.  42]  loDge  excellit.  Ita  in  praesenti  ecclesiae  calamitate  nulla  refulget  dignitas,  quae  coeleste  Dei  regnum  hominum  oculis  repraesentet.  Nam  ea  opressa  summi  hostes  l)  ipsius  titulo  quasi  spoliis  ornati  non  minus  crudeliter  quam  superbe  eam  conculcant.  Si  quis  eorum  impietati  vel  tantillum  ausit  obsistere,  gladiis,  ignibus  ac  omne  genus  tormentis  formidabiles,  verae  ecclesiae  in  terris  locum  vix  relinquunt.  Quod  si  aliquos  sibi  angulos  inveniat,  nunc  vi  et  armis  impetita,  nunc  ludibriis  vexata,  nunc  minis  et  terroribus  fatigata,  nihil  minus  quam  regium  illum  Christi  decorem  tantopere  a  prophetis  commendatum,  prae  se  fert.  Verum  quum  minaciter  terrendo  ac  furiose  saeviendo  non  eo  tamen  usque  proficiunt  impii,  quin  Dei  ecclesia  sub  crucis  humilitate  firma  rectaque  subsidat,  cur  non  in  hac  mirifica  eius  conservatione  Dei  gloriam  exosculamur?  Si  quis  rerum  peritus,  quam  multa  per  hos  triginta  annos  ad  eam  perdendam  machinati  sint  impii,  secum  animo  revolvat,  non  fuisse  centies  penitus  deletam  mirari  cogetur.  Et  nunc  quod  intra  biennium  misere  discerpta  fuit,  laceraeque  eius  partes  a  leonis  faucibus  parum  ab-  1)  le  Pape  et  les  siens.