7:35  35  ARTICULI  FACULTATIS  PARISIENSIS  36  18,  20).  Ergo  non  quibuslibet  conciliis  indifferenter  habenda  est  fides:  sed  illis  demum,  quae  congregata  fuisse  in  nomine  Christi  constabit.  Clamant  prophetae:  A  propheta  usque  ad  sacerdotem  quisque  sequitur  mendacium  (Ier.  6,  13).  Item:  Speculatores  eius  caeci  omnes,  pastores  nihil  intelligunt  (Ies.  56,  10).  Item:  Coniuratio  prophetarum  in  medio  eius,  sicut  leonum  rapientium  praedam:  sacerdotes  eius  violaverunt  legem,  profanaverunt  sancta  (Ez.  22,  25).  Quum  huic  malo  obnoxia  fuerit  ecclesia  israelitica,  quae  vera  erat  ecclesia  Dei,  cur  non  idem  nobis  contingeret?  Quin  etiam  hoc  futurum  denunciarunt  apostoli:  Quemadmodum  fuerunt  in  veteri  populo  pseudoprophetae:  ita  in  vobis  erunt  falsi  doctores  (2  Petr.  2,  1).  Sic  ergo  constituimus:  concilium,  quod  in  Christi  nomine  congregatum  est,  gubernari  a  spiritu  sancto,  et  eius  directione  duci  in  veritatem.  Quibus  autem  non  praesidet  Christus,  ea  regi  proprio  sensu:  et  ita  nihil  posse  quam  errare,  et  in  errorem  ducere.  Constituimus  praeterea,  quaedam  sic  regi  Dei  spiritu  initio,  ut  postea  obrepat  carnis  studium,  quo  a  veritate  deflectant.  Solus  enim  Christus  est,  in  quo  residet  plenitudo  spiritus:  unicuique  hominum  datur  gratia  ad  mensuram  (Ioann.  1,  16;  1  Cor.  12,  5.  27;  Ephes.  4,  7).  ARTICULUS  XXIII.  De  primatu  sedis  Romanae.  Nec  minus  certum,  unum  esse  iure  divino  summum,  in  ecclesia  Christi  militante  pontificem,  cui  omnes  Christiani  parere  tenentur:  qui  quidem  potestatem  habet  et  indulgentias  conferendi.  Probatur  sic:  Quia  dictum  est  Petro:  Tu  es  Petrus,  et  super  hanc  petram,  ete.  Quod  autem  Lutherani  dicunt,  Petrum  illic  laudari  tanquam  unum  ex  numero  fidelium:  et  petram,  quae  debet  esse  fundamentum  ecclesiae,  dicunt  esse  Christum,  quia  Petrus  non  fuisset  bonum  fundamentum,  quando  Christum  abnegavit,  et  quia  secundum  Paulum,  nemo  potest  aliud  fundamentum  ponere  a  Christo:  nunquam  illis  concedas.  Quia  quum  diversa  interpretatio  sit  in  favorem  Romanae  sedis,  nota  est  regula  iuris,  quod  favores  debent  ampliari.1)  Habent  quoque  aliam  replicam.  Scilicet  quod  posito  casu,  quod  dedisset  Christus  primatum  Petro,  non  sequitur  tamen,  quod  dederit  successoribus:  nisi  velint  etiam  omnes  vocari  Satanae.  Quia  dictum  est  Petro  :  Tu  es  Satan.  Dicunt  enim,  quod  si  succedunt  in  1)  les  faveurs  doyvent  estre  estendues  au  long  et  au  large.