58:35  35  SECOND  SERMON  36  donc  voila  comme  la  lignee  d'Abraham  a  este  choisie  par  dessus  tout  le  reste  du  monde,  d'autant  que  Dieu  l'a  ainsi  voulu:  mais  ce  n'est  point  encore  assez:  car  il  faut  que  son  election  gratuite  nous  soit  mieux  confermee.  Et  c'est  ce  qui  nous  est  ici  monstre  en  la  personne  de  deux  freres:  Car  voici  Rebecca  qui  porte  Iacob  et  Esau:  l'un  vaut-il  mieux  que  l'autre?  saint  Paul  exposant  ce  passage,  dit,  Et  ils  n'estoient  pas  encore  nais.  Comment  donc  eussent-ils  peu  acquerir  grace  et  faveur  devant  Dieu  pour  leurs  merites?  Car  Iacob  n'avoit  fait  ne  bien  ne  mal,  non  plus  qu'Esau.  Pourquoy  donc  est-ce  que  Dieu  le  constitue  le  plus  grand  ?  Il  ne  faut  point  que  nous  entrions  en  plus  grande  dispute,  sinon  d'adorer  avec  estonnement  le  conseil  secret  de  Dieu,  par  lequel  ceux  que  bon  lui  semble  sont  esleuz,  et  les  autres  reprouvez.  Voila  donc  comme  Dieu  a  voulu  encore  donner  plus  grand  lustre  a  sa  misericorde,  quand  il  a  esleu  Iacob  par  dessus  Esau.  Car  defait,  il  pouvoit  bien  mettre  Iacob  premier,  quand  les  enfans  sortoient  du  ventre  de  la  mere.  On  sait  bien  que  cela  n'est  pas  de  cas  fortuit:  comme  il  est  dit  au  Pseaume,  Tu  m'as  tire  de  la  matrice:  et  Dieu  desploie  la  une  vertu  singuliere,  quand  les  enfans  viennent  au  monde.  Et  pourquoy  donc  n'a  il  permis  et  ordonne  que  Iacob  eust  le  droit  de  primogeniture?  Car  cela  estoit  convenable,  puis  qu'il  vouloit  chasser  Esau  de  l'Eglise,  et  que  Iacob  y  devoit  demeurer,  et  qu'il  devoit  succeder  au  lieu  de  son  pere  Isaac  et  d'Abraham.  Pourquoi  est  ce  que  Dieu  le  recule,  et  qu'il  est  inferieur  a  son  frere  quant  au  droit  de  nature,  et  cependant  qu'il  le  met  puis  apres  par  dessus  ?  En  cela  nous  voions  que  Dieu  a  voulu  exclure  toute  gloire  humaine,  qu'il  a  voulu  que  toute  hautesse  fust  abbatue,  et  que  les  hommes  n'apportassent  rien  du  Ieux:  pour  dire,  Ie  me  suis  acquis  un  tel  bien,  ie  l'ay  eu  par  mon  industrie.  Nous  voions  donc  ce  que  i'ay  desia  touche:  c'est  assavoir,  que  nou$  avons  ici  comme  un  miroir,  auquel  nous  pouvons  contempler,  que  tous  ceux  qui  sont  de  l'Eglise,  ne  s'y  sont  pas  avancez  par  leur  vertu,  et  qu'ils  n'ont  pas  obtenu  grace  par  leurs  merites:  mais  que  Dieu  lcs  a  choisis  avant  qu'ils  fussent  nais.  Voila  donc  en  somme  ce  que  nous  avons  a  retenir  de  ce  passage.  Or  maintenant  on  pourroit  ici  esmouvoir  quelque  difficulte:  car  notamment  Moise  exprime  que  ceci  s'estend  a  deux  peuples,  et  que  ce  n'est  pas  seulement  pour  Iacob  et  Esau,  que  ce  combat  s'est  esmeu  quant  a  leurs  personnes:  mais  que  c'est  pour  leurs  successeurs,  et  la  posterite  d'un  chacun.  Or  est  il  ainsi  que  beaucoup  qui  sont  descendus  de  Iacob,  n'ont  este  approuvez  neantmoins:  car  il  s'arreste  a  cc  qui  est  ici  dit;  c'est  assavoir,  que  la  lignee  de  Iacob  a  este  eleue,  et  celle  d'Esau  reprouvee  :  et  on  void  toutesfois  la  plus  grande  multitude  de  ceux  qui  sont  descendus  de  Iacob,  que  Dieu  desavoue  et  qu'il