56:35  35  GENESE.  36  crache,  et  remontent.  17.  Adonc  le  serviteur  courut  au  devant  d'elle,  et  dit,  Donne  moy  maintenant  un  petit  d'eau  de  ta  crucbe  a  boire.  18.  Et  elle  dit,  Mon  seigneur,  boy.  Et  incontinent  descendit  sa  crucbe  sur  sa  main,  et  luy  donna  a  boire.  39.  Et  apres  luy  avoir  donne  a  boire,  elie  dit,  Aussi  i'en  tireray  pour  tes  chameaux  tant  qu'ils  auront  beu  a  suffisance.  20.  Et  legerement  elle  versa  sa  cruche  es  auges,  et  courut  encore  au  puits  pour  y  puiser,  et  puisa  pour  tous  ses  chameaux.  21.  Et  cest  homme  s'esmerveilloit  d'elle,  considerant  sans  sonner  mot,  pour  savoir  si  l'Eternel  avoit  donne  bon  heur  a  son  voyage,  ou  non.  22.  Et  quand  les  chameaux  eurent  acheve  de  boire,  cest  homme  tira  des  aureillettes  d'or  d'un  demi  sicle,  et  deux  bracelets  sur  ses  mains,  pesans  dix  sicles  d'or:  23.  Puis  luy  dit,  A  qui  es-tu  fille?  Ie  te  prie  fay-le  moy  savoir:  et  y  a-il  point  lieu  en  la  maison  de  ton  pere  pour  nous  loger?  24.  Et  elle  luy  respondit,  Ie  suis  la  fille  de  Bathuel  fils  de  Melca,  qu'elle  a  enfante  a  Nachor.  25.  Puis  luy  dit,  II  y  a  chez  nous  beaucoup  de  paille,  et  de  fourrage,  et  aussi  lieu  pour  loger.  26.  Et  cest  homme  s'agenouilla,  et  adora  l'Eternel.  27.  Et  dit,  Benit  soy  l'Eternel  le  Dieu  de  mon  maistre  Abraham,  qui  n'a  point  quitte  sa  misericorde  et  fidelite  envers  mon  maistre.  Moy  estant  en  la  voye  l'Eternel  m'a  conduit  en  la  maison  du  frere  de  mon  maistre.  28.  Et  la  iuvencelle  courut,  et  l'annonca  en  la  maison  de  sa  mere  iouste  ses  propos.  29.  Or  Rebeca  avoit  un  frere  nomme  Laban.  Lors  Laban  courut  dehors  a  cest  homme  vers  la  fontaine.  30.  Et  quand  il  veit  les  aureillettes,  et  les  bracelets  es  mains  de  sa  seur,  et  qu'il  eut  entendu  les  paroles  de  Rebeca  sa  seur,  disant,  Cest  homme  a  ainsi  parle  a  moy:  il  veint  a  l'homme,  lequel  estoit  aupres  des  chameaux  vers  la  fontaine.  31.  Et  dit,  Benit  de  l'Eternel,  entre:  pourquoy  te  tiens-tu  dehors?  I'ay  prepare  la  maison  et  le  lieu  pour  tes  chameaux.  32.  Alors  l'homme  veint  en  la  maison,  et  Laban  desarnacha  les  chameaux,  et  leur  donna  de  la  paille  et  du  fourrage,  et  de  l'eau  pour  laver  tant  les  pieds  d'iceluy,  que  les  pieds  des  personnages  qui  estoyent  avec  luy:  33.  Et  luy  presenta  a  manger.  Mais  il  dit,  Ie  ne  mangeray  pas,  iusqu'a  ce  que  i'auray  refere  mon  cas.  Et  iceluy  dit,  Parle.  34.  Il  dit  donc,  Ie  suis  le  serviteur  d'Abraham.  35.  Et  l'Eternel  a  benit  grandement  mon  maistre,  et  magnifie:  et  luy  a  donne  brebis,  beufs,  argent,  or,  serviteurs,  chambrieres,  chameaux  et  asnes.  36.  Et  Sara  femme  de  mon  maistre,  a  engendre  un  fils  a  mon  maistre  en  la  fin  do  sa  vieillesse,  auquel  il  a  donne  tout  ce  qu'il  a.  37.  Et  mon  maistre  m'a  fait  iurer,  disant,  Tu  ne  prendras  point  femme  a  mon  fils  des  filles  des  Chananeens,  en  la  terre  desquels  i'habite:  38.  Ains  tu  iras  en  la  maison  de  mon  pere  et  a