54:35  35  SERMON  III  38  point  en  usage,  mais  on  eust  cognu  que  Dieu  ne  demande  autre  chose  des  ministres  de  sa  Parole,  sinon  qu'ils  enseignent  purement  le  peuple  qui  leur  est  commis  en  charge,  et  qu'ils  administrent  les  sacremens.  Mais  voila  un  nouveau  badinage  qu'on  a  forge  en  la  Papaute,  qu'on  leur  graissera  les  doigts,  et  leur  baillera-on  le  titre  de  Prestre.  Et  pourquoy  faire?  Pour  appaiser  Dieu  envers  les  hommes,  pour  offrir  sacrifice,  afin  d'obtenir  remission  des  pechez.  Voila  donc  comme  les  Prestres  qui  sont  graissez  en  la  Papaute,  sont  constituez  avec  un  blaspheme  diabolique  en  l'office  de  nostre  Seigneur  Iesus  Christ.  Car  c'est  a  luy  seul  que  ce  titre-la  appartient,  d'estre  mediateur  de  Dieu  et  des  hommes:  mais  Satan  a  ainsi  perverti  toute  la  purete  de  l'Evangile.  Ainsi  donc  apprenons  de  distinguer  entre  la  prestrise  Papale,  et  celle  que  Iesus  Christ  approuve,  et  qui  a  eu  son  origine  de  P  Evangile.  Les  prestres  qui  ont  este  eleus  et  constituez  du  temps  des  apostres,  n'estoyent  pas  creez  sinon  pour  anoncer  l'Evangile,  et  administrer  les  sacremens,  qu'ils  se  dediassent  a  servir  a  Dieu  et  a  son  son  Eglise,  selon  l'offerte  qui  se  faisoit  de  leurs  personnes.  Or  voila  le  pape  qui  veut  faire  des  prestres  avec  onction,  voire  a  la  facon  de  la  Loy  de  Moyse:  et  cependant  leur  donne  et  attribue  l'office  de  reconcilier  les  hommes  avec  Dieu.  Yoila  donc  un  sacrilege  enorme,  et  une  invention  que  Satan  a  forgee.  Ayons  donc  une  telle  prestrise  en  abomination,  comme  elle  en  est  digne.  Et  notons  bien  que  ceux  qui  sont  offerts  a  Dieu  pour  anoncer  sa  parole,  quand  la  priere  se  fera  comme  elle  doit,  ne  seront  point  destituez  de  la  grace  qui  est  requise  en  cest  estat.  Et  pourquoy?  Car  Dieu  preside  au  milieu  de  son  Eglise,  et  desployera  sa  vertu  pour  guider  ceux  qui  occupent  son  lieu,  et  desquels  il  approuve  l'estat  et  office.  Voila  ce  que  nous  avons  a  retenir  de  ce  passage.  Et  cependant  notons  aussi  que  Timothee  devant  qu'estre  eleu,  avoit  desia  des  dons  excellens:  mais  Dieu  les  luy  a  confermez,  quand  il  a  voulu  qu'il  se  meist  au  ministere.  Il  faut  bien  que  ceux  qu'il  choisit,  desia  ayent  donne  approbation  de  l'office:  on  n'ira  pas  prendre  a  l'aventure  des  povres  idiots,  des  gens  ignorans,  et  qui  n'ont  rien  propre  pour  porter  la  parole  de  Dieu:  il  faudra  prendre  des  gens  esquels  on  cognoist  desia  quelque  grace.  Mais  Dieu  ne  laisse  pas  de  besongner  en  augmentant  et  confermant  les  dons  qu'il  aura  desia  mis  aux  hommes,  tellement  qu'on  appercoit,  depuis  qu'il  s'en  sera  vonlu  servir,  que  son  Esprit  se  declarera  en  eux  avec  plus  grande  efficace.  Et  cela  n'est  pas  seulement  quant  aux  ministres  de  la  parole  de  Dieu,  mais  aussi  quand  aux  Magistrats.  Il  est  vray  qu'une  election  sera  perverse  et  confuse  si  on  ne  discerne,  et  qu'on  ne  prene  ceux  qui  sont  propres,