53:35  SERMON  III  36  dei  dit  par  sainct  Paul,  qui  nous  monstre  Tordre  que  nous  devons  suivre,  afin  que  le  tout  nous  serve  d'une  bonne  instruction  et  propre  pour  nostre  salut.  Si  faut-il  que  nous  retenions  aussi  ce  que  nous  avons  touche  de  la  foy  non  feinte,  et  que  nous  apprenions  non  seulement  d'avoir  une  belle  confession  au  bout  de  la  langue,  mais  d'avoir  une  racine  vive,  que  nous  ayons  cognu  Dieu  a  bon  escient,  non  pas  pour  scavoir  habiller,  comme  beaucoup  font,  voire  la  pluspart:  mais  que  la  bouche  ne  parle  sinon  de  l'abondance  du  coeur,  et  que  nous  puissions  dire  avec  David  (Pseaume  116,  10),  Pay  creu,  et  pourtant  i'ay  parle;  que  ce  qui  sera  ouy  de  nous,  n'excede  point  la  mesure  de  nostre  foy.  Ainsi  donc,  gardons-nous  bien  de  nous  applaudir  pour  plaire  aux  hommes,  et  pour  avoir  quelque  belle  apparence  quant  a  eux,  scachans  que  nous  n'eschapperons  point  de  la  main  de  Dieu,  quand  nous  aurons  faussement  abuse  de  son  nom.  Or  est-il  ainsi  que  tous  ceux  qui  font  semblant  d'avoir  la  foy,  et  ne  Tont  pas  telle  que  sainct  Paul  declare  ici,  sont  comme  faussaires  devant  Dieu,  pource  qu'ils  ont  usurpe  son  nom  mal  et  iniustement.  Yoila  pourquoy  nous  devons  tant  plus  priser  ce  mot  dont  S.  Paul  use,  qu'il  ne  faut  point  que  nostre  foy  soit  feinte.  Mais  il  a  declare  quant  et  quant  comment  c'est  que  la  foy  se  monstrera  vraye:  c'est  ascavoir  quand  elle  sera  coniointe  avec  un  coeur  pur  et  une  conscience  bonne  et  droite.  Il  faut  donc  en  premier  lieu  qu'un  homme  monstre  qu'il  a  une  rondeur  et  integrite  sans  feintise,  s'il  veut  donner  approbation  de  sa  foy.  Gar  ce  n'est  point  sans  cause  que  S.Paul  en  parle  ainsi.  Et  nous  voyons  comme  S.  Pierre  en  parle  aussi  au  quinzieme  chap.  des  Actes,  verset  9,  disant  que  Dieu  a  purifie  les  coeurs  des  hommes  par  foy.  Si  la  foy  n'estoit  qu'une  cognoissance  volage,  ou  quelque  imagination  que  c'est  de  Dieu:  ou  bien  quelque  doctrine  certaine  et  resolue,  mais  telle  qu'elle  n'aura  point  son  siege  au  coeur,  S.  Piere  ne  diroit  pas  que  les  coeurs  sont  purifiez  par  la  foy.  Car  quand  ie  seray  bien  entendu,  et  grand  clerc,  et  que  ie  scauray  habiller  des  mysteres  de  Dieu,  ce  n'est  pas  a  dire  que  i'aye  mon  coeur  pur.  Or  est-il  ainsi  que  quiconques  a  la  foy,  il  a  ceste  purete  comme  sainct  Pierre  le  testifie.  Concluons  donc  que  la  foy  ne  vague  point  au  cerveau,  que  ce  n'est  point  une  cognoissance  simple  et  nue,  mais  que  c'est  une  asseurance  que  nous  avons  de  la  bonte  de  nostre  Dieu.  Et  c'est  suyvant  ce  que  sainct  Paul  nous  dit  en  l'autre  passage:  car  il  compare  l'Evangile  a  un  miroir  ou  se  monstre  la  face  de  Dieu  en  la  personne  de  nostre  Seigneur  Iesus  Christ:  et  il  est  dit  qu'en  contemplant  ceste  face-la,  nous  sommes  transfigurez  de  gloire  en  gloire,  pour  estre  semblables  et  conformes  a  nostre  Dieu.  Et  sainct  Iaques  aussi  quand  il  monstre  comme  nous  devons  profiter  en  la  parole