52:35  35  EPIST.  PAULI  AD  PHILIPPENSES  36  tuosaoe,  ad  circumstantiam  loci  spectat.  Cavendum  enim  eo  diligentius  monet,  quia  multa  scandala  ingerantur  ab  infidelibus  quae  rectum  eorum  cursum  turbent:  totaque  infidelium  vita  quasi  labyrinthus  sit  diversorum  flexuum  qui  a  via  nos  abducant.  Caeterum  sunt  nihilominus  perpetua  epitheta,  quae  omnium  gentium  et  temporum  infidelibus  competunt.  Nam  si  pravum  est  cor  hominis  et  inserutabile,  quales  erunt  eiusmodi  radicis  fructus?  Docemur  ergo  his  verbis,  nihil  esse  in  vita  hominis  purum,  nihil  rectum,  donec  a  spiritu  Dei  reformatus  fuerit.  Inter  quos  luceie.  Dubia  est  verbi  graeci  terminatio.  Posset  enim  legi  indicativo  modo,  lucetis:  sed  exhortationi  melius  quadrat  imperativus.  Vult  fideles  instar  lampadum  esse��  quae  in  mundi  tenebris  luceant.  Ac  si  diceret:  Sunt  quidem  infideles  filii  noctis  :  et  in  mundo  nihil  est  praeter  tenebras.  Sed  in  huno  finem  illuminavit  vos  Deus,  ut  refulgeat  vitae  vestrae  puritas  in  his  tenebris,  quo  illustrior  appareat  sua  gratia.  Sic  etiam  apud  prophetam  (lena.  60,  2)  habetur:  Super  te  orietur  dominus,  et  videbitur  in  te  eius  gloria.  Mox  sequitur,  ambulabunt  gentes  in  lumine  tuo,  et  reges  in  splendore  vultus  tui.  Tametsi  de  doctrina  potius  illic  concionatur  Iesaias:  hic  autem  Paulus  de  vitae  exemplo.  Doctrinae  etiam  respectu,  Christus  peculiariter  alibi  apostolos  lucem  mundi  appellat  (Matth.  5,  14).  16.  Sermonem  vitae  sustinentes.  Ratio  cur  luminaria  esse  debeant:  quia  portant  sermonem  vitae,  a  quo  illuminantur,  ut  etiam  aliis  luceant.  Alludit  autem  ad  lucernas  in  quibus  collocantur  ellycbnia  quae  ardeant,  ac  nos  lucernis  facit  similes.  Sermonem  Dei  comparat  ellychnio,  unde  est  lumen.  Si  aliam  similitudinem  mali?,  nos  candelabra  sumus:  doctrina  evangelii,  candela  est,  quae  nobis  imposita  fulgorem  circumquaque  reddit.  Significat  autem  DOS  iniuriam  facere  verbo  Dei,  nisi  vitae  puritate  in  nobis  refulgeat  Huc  pertinet  Christi  dictum  (Matth.  5,  15),  Nemo  lucernam  accendit,  et  ponit  sub  modio,  ete.  Sic  autem  dicimur  portare  sermonem  vitae,  ut  interea  ab  ipso  portemur:  quandoquidem  sumus  in  eo  fundati.  Sed  modus  portandi,  de  quo  Paulus  agit,  hic  est,  quod  doctrinam  suam  hac  lege  Deus  apud  nos  deposuit,  non  ut  eius  lucem  suppressam  et  otiosam  teneamus:  sed  ut  proferamus  ad  alios.  Summa  est:  Quicunque  illuminati  sunt  coelesti  doctrina,  lucem  circumferre,  quae  probra  eorum  prodat  et  retegat,  nisi  sancte  et  caste  ambulent:  sed  lucem  hanc  ideo  accensam  esse,  ut  non  ipsi  modo  dirigantur  in  recta  via,  sed  aliis  quoque  eam  praemonstrent  In  gloriam  mihi.  Augendi  animi  causa  id  sibi  fore  gloriosum  testatur,  si  non  frustra  laboraverit