51:35  35  SERMONS  36  Voila  donc  ce  que  nous  avons  a  retenir  de  ce  passage,  c'est  pour  n'estre  point  abusez  en  nostre  hypocrisie  qu'un  chacun  regarde  a  soy  et  qu'il  examine  diligemment  sa  vie:  et  alors  nous  aurons  occasion  de  baisser  tous  les  yeux  et  clorre  la  bouche:  et  cependant  cognoistre  que  nous  sommes  du  tout  miserables,  et  qu'il  n'y  a  en  nous  que  condamnation.  Vray  est  encores  que  rien  de  ce  que  sainct  Paul  recite  ici  n'apparust,  et  que  nous  ne  peussions  estre  accusez  devant  les  hommes,  et  mesmes  qu'il  semblast  que  nous  fussions  des  petis  Anges,  iusques  a  ce  que  Dieu  nous  ait  reformez  si  ne  laissons  nous  pas  d'estre  malins  et  pervers.  Tant  y  a  neantmoins  que  Dieu  ne  permet  point  qu'un  chacun  n'ait  assez  de  tesmoignage  en  sa  vie  pour  estre  du  tout  abbatu  et  pour  passer  condamnation  volontaire.  Voila  donc  en  somme  comme  il  nous  faut  pratiquer  ceste  doctrine,  c'est  que  si  nous  cuidons  valoir  ie  ne  scay  quoy,  et  que  nous  n'appercevions  point  les  pouretez  qui  sont  en  nous,  que  nous  facions  un  discours  de  nostre  vie,  et  mesmes  que  nous  facions  comparaison  de  ce  que  Dieu  a  commande  et  defendu  avec  nos  oeuvres,  et  alors  nous  aurons  un  beau  miroir  pour  nous  faire  contempler  nos  vilenies  et  ordures,  au  lieu  qu'auparavant  ii  nous  sembloit  qu'il  n'y  avoit  que  toute  purito  et  perfection  en  nous,  Dieu  nous  monstrera  a  veue  d'oeil  que  nous  sommes  pleins  d'iniquite.  Or  cependant  apres  que  nous  aurons  cognu  un  vice,  ou  deux,  ou  trois,  la  dessus  concluons  que  ce  n'est  pas  la  centieme  partie:  car  nous  serons  tousiours  esblouis  quand  il  sera  question  de  nous  faire  sentir  nos  pouretez:  encores  que  Dieu  nous  contraigne  et  nous  redargue  en  telle  sorte,  que  nous  ne  puissions  nous  rebequer,  tant  y  a  que  si  nous  avons  cognu  nn  article,  en  la  fin  il  monstrera  qu'il  y  en  avoit  cent  qui  nous  ont  este  cachez.  Et  mesmes  quand  nous  verrons  les  oeuvres  toutes  patentes,  c'est  pour  nous  faire  venir  a  la  source.  Il  y  en  a  beaucoup  qui  sont  si  grossiers  qu'il  leur  semble  moyennant  qu'ils  n'ayent  point  commis  paillardise,  moyennant  que  leur  yvrongnerie  ne  soit  point  descouverte:  ou  bien  qu'ils  ayent  fraude  en  cachette  et  si  finement  qu'on  ne  s'en  est  point  apperceu,  il  leur  semble  que  les  voila  quittes  en  cela.  Or  l'intention  de  sainct  Paul  en  disant  que  les  oeuvres  de  la  chair  sont  notoires,  n'est  pas  de  flatter  les  hommes,  comme  si  un  peche  ne  devoit  point  estre  condamne  iusques  a  ce  que  l'acte  en  soit  visible.  Car  (comme  i'ay  dit)  de  l'un  il  faut  venir  a  l'autre.  Si  donc  la  paillardise  est  une  chose  detestable  en  soy,  l'yvrongnerie  et  les  larecins,  les  meurtres  et  les  trahisons,  les  blasphemes  contre  Dieu,  les  troubles  et  inutineries:  la  dessus  il  nous  faut  conclure  qu'aussi  bien  est  l'impiete  qui  est  cachee  au  coeur,  et  l'ambition  et  l'orgueil,  quand  chacun  se