47:35  35  IN  EVANGELIUM  IOANNIS  36  aliqua  nota  discerni  operae  pretium  est.  Scimus  quanto  supercilio  gloriati  fuerint  Iudaei  in  patre  suo  Abraham  :  quam  confidenter  generis  sui  sanctitatem  iactaverint.  Interea  vix  centesimus  quisque  reperiebatur  non  prorsus  degener  et  alienus  a  fide  patrum.  Ergo  Christus,  ut  hypocritis  larvam  detrahat,  breviter  verum  Israelitam  definit,  et  simul  scandalum  tollit  quod  mox  exoriturum  erat  ex  impia  gentis  contumacia.  Nam  qui  censeri  volebant  filii  Abrahae  et  sanctus  Dei  populus,  infesti  evangelii  hostes  paulo  post  futuri  erant.  Ergo  ne  quem  exanimet  vel  perturbet  communis  omnium  fere  ordinum  impietas,  mature  admonet  ex  multis  qui  Israelitarum  nomen  obtendunt,  paucos  esse  veros  Israelitas.  Porro  quia  haec  etiam  christianismi  definitio  est,  non  leviter  praetereundus  est  hic  locus.  Verum,  ut  paucis  teneamus  Christi  mentem,  notandum  eBt  dolum  sinceritati  opponi.  Dolosos  ergo  vocat  qui  alibi  dicuntur  in  scriptura  duplices  corde.  Nec  tantum  crassa  illa  hypocrisis  taxatur,  quum  se  bonos  viros  simulant  qui  sibi  male  conscii  sunt,  sed  alia  etiam  interior,  dum  ita  caecutiunt  homines  in  suis  vitiis,  ut  non  aliis  tantum,  sed  sibi  mentiantur.  Cordis  igitur  coram  Deo  integritas,  et  erga  homines  rectitudo  Christianum  facit:  sed  praecipue  dolum  illum  Christus  notat,  cuius  mentio  fit  Psalmo  32,  2.  AXyjfr&c,  hic  plus  significat  quam  certe.  Est  quidem  Graecis  saepe  simplex  affirmatio,  sed  quia  hic  inter  rem  et  nudum  titulum  subaudienda  est  antithesis,  vere  dicitur  esse,  qui  re  ipsa  est  qualis  censetur.  48.  Unde  me  nosti?  Quamvis  illi  blandiri  nolet,  audiri  tamen  ab  eo  voluit,  ut  novam  interrogationem  eliceret,  cui  respondens  probaret  se  filium  Dei.  Non  frustra  autem  interrogat  Nathanael  unde  notus  sit  Christo.  Nam  hominis  tam  sinceri  qui  omni  dolo  vacuus  sit,  rarum  est  exemplum,  et  illam  puritatem  cordis  nosse,  nonnisi  Dei  est.  Caeterum  Christi  responsio  videtur  parum  apposita.  Neque  enim  si  Nathanaelem  sub  ficu  vidit,  penetrare  ideo  potuit  in  altas  cordis  latebras.  Verum  alia  est  ratio:  nam  sicuti  Dei  proprium  est  cognoscere  homines  nunquam  visos,  ita  etiam  videre  quae  oculis  non  apparent.  Quum  ergo  sciret  Nathanael  se  non  humano  more  visum  fuisse  a  Christo,  sed  vere  divino  intuitu,  hinc  colligere  potuit  non  humanitus  iam  ipsum  loqui.  Est  igitur  probatio  ex  paribus  sumpta.  Neque  enim  minus  in  Deum  competit  videre  quae  sunt  extra  conspectum  quam  de  cordis  puritate  iudicium  ferre.  Colligenda  praeterea  est  ex  Hoc  loco  utilis  doctrina:  quum  de  Christo  minime  cogitamus,  ab  ipso  nos  conspici:  atque  ita  fieri  necesse  est,  ut  aversos  reducat.  49.  Tu  es  filius  Dei,  Quod  ex  divina  potentia  filium  Dei  agnoscit,  non  mirum  est.  Sed  qua  ratione  Israelis  regem  vocat?  neque  enim  res  coniunctae  videntur,  sed  Nathanael  altius  respicit:  iam  Messiam