42:35  35  SERMON  XXXVI.  36  le  roy  Antiochus  se  laisse  surprendre,  il  s'endort  en  ses  affaires  (comme  on  dit)  d'autant  qu'il  pense  que  ce  ne  soit  que  mocquerie,  et  s'en  va  ainourascher  de  la  fille  d'un  bourgeois,  il  fait  les  nopces,  et  de  grands  banquets,  et  en  la  fin  les  Romains  font  leur  aprest,  quand  il  voit  que  c'est  a  bon  escient,  et  qu'il  ba  donne  trop  bon  loisir  aux  Romains  de  se  fortifier,  il  est  contraint  alors  de  donner  bataille:  il  est  vray  qu'il  ha  plus  grosse  armee  beaucoup  que  les  Romains,  car  ils  n'avoient  pas  la  troisieme  partie  de  son  armee,  mais  tant  y  ha,  qu'il  se  fait  une  telle  desconfiture  de  ses  gens,  qu'il  y  demeure  cinquante  mille  hommes,  et  cest  cet  opprobre  dont  parle  Daniel,  qu'un  prince  viendra,  lequel  fera  retourner  son  opprobre  sur  luy,  il  est  vray  que  celuy  qui  gaigne  la  bataille,  a  scavoir  Luce  Scipion  (qui  estoit  frere  de  celuy  qui  avoit  auparavant  vaincu  les  Carthaginiens)  celuy  la  n'estoit  pas  prince,  mais  Daniel  entend  cette  principaute  de  l'empire  Romain,  dont  ce  Scipion  estoit  capitaine  general,  voila  donc  ce  prince  qui  viendra  qui  luy  fera  retourner  son  opprobre  sur  luy.  Or  ceci  estoit  dit  pour  la  consolation  des  fideles,  car  regardons  quelles  solicitudes  ils  pouvoient  avoir  en  ce  temps  la,  voians  les  pratiques  et  menees  du  roy  Antiochus  qui  s'en  vient  en  Grece,  et  quand  il  aura  tout  gaigne  (comme  on  pouvoit  penser)  que  tous  les  roys  seront  vaincus  de  luy,  que  ferons-nous  puis  apres?  Il  reviendra  au  pays  d'Egypte,  et  cependant  le  pauvre  pays  de  Iudee  ne  sera  point  espargne,  il  faudra  que  nous  sentions  les  coups  aussi  bien  que  les  autres,  et  mesmes  quand  ils  faisoient  cette  comparaison  d'eux  avec  les  autres  peuples  qu'Antiochus  avoit  vaincus,  ils  pouvoient  bien  dire,  helas!  comment  luy  pourront-nous  resister?  il  faudra  que  nous  soions  accables  par  luy:  or  voici  Dieu  qui  les  met  comme  en  une  haute  tour,  et  leur  dit,  Non,  non,  quand  vous  verres  le  roy  Antiochus  avec  tels  appareils,  qu'il  vous  semblera  que  vous  devies  estre  abismos  sous  luy,  saches  qu'un  opprobre  viendra  sur  sa  teste,  c'est  a  dire,  que  toute  la  gloire  et  la  grandeur  qui  sera  en  luy  sera  bien  rabaissee,  et  qu'il  ne  viendra  pas  a  bout  de  ce  qu'il  avoit  entreprins,  mais  qu'il  faudra  qu'il  s'en  retourne  confus,  voila  donc  comme  les  fideles  se  pouvoient  consoler  en  ce  qui  leur  estoit  predit  par  l'ange,  pour  dire,  Et  bien,  quand  le  roy  Antiochus  aura  fait  tout  ce  qu'il  aura  peu,  qu'il  pensera  bien  avoir  gaigne  toute  la  Grece,  il  luy  semble  bien  que  nous  serons  un  petit  repas,  nous  luy  serons  comme  un  grain  de  sel  pour  luy  faire  avaller  ses  gros  morceaux,  mais  Dieu  nous  ha  promis  qu'il  demourera  confus,  et  qu'il  ne  viendra  point  au  dessus  de  ce  qu'il  ha  entreprins.  Ainsi  donc  remettons-nous  en  nostre  Dieu,  que  nous  soions  patiens  en  tous  ces  troubles  ici,  et  sachons  que  Dieu  pourvoira  a  tout,  tellement  que