41:35  35  PRAELECTIONES  36  quemadmodum  dixi,  continuus  tenor  honoris:  quia  non  tantum  rex  Darius  eum  extulit,  sed  Cyrus  etiam,  quum  audisset  eius  famam,  habuit  apud  se  inter  suos  proceres.  Et  satis  apparet,  ipsum  relicta  Babylone  alio  migrasse.  Quanquam  probabile  est,  non  diu  fuisse  apud  Medos.  Mortuus  enim  est  paulo  post  Darius  vel  Cyaxares,  et  quum  careret  haerede  masculo,  tota  potestas  transiit  ad  unum  Cyrum,  qui  et  nepos  eius  erat,  ex  sorore  scilicet,  deinde  etiam  gener,  quia  filiam  eius  acceperat  uxorem.  Non  dubium  est,  quin  hic  Daniel  commendet  favorem  Dei  et  beneficentiam  erga  se:  quia  fuit  hoc  non  vulgare  solatium  exsilii,  quod  apud  gentes  exteras  et  barbaras  obtinuit  summam  gratiam,  fuit  in  amplissimo  gradu  honoris,  ita  ut  omnes  ipsum  revererentur.  Deus  ergo  lenivit  tristitiam  exsilii  hoc  solatio.  Deinde  hic  non  se  ipsum  duntaxat  privatim  respicit  Daniel,  sed  finem  suae  dignitatis.  Nam  Deus  voluit  vulgari  et  celebrari  nomen  suum  per  omnes  illas  regiones,  ubi  spectabilis  erat  Daniel:  quia  nemo  poterat  in  eum  coniicere  oculos,  quin  occurreret  gloria  et  potentia  Dei  Israelis.  Hoc  ergo  Daniel  notare  voluit.  Interea  ex  altera  parte  minime  dubium  est,  quin  carere  patria  fuerit  ei  grave  et  acerbum:  non  ut  solet  esse  reliquis,  sed  quia  terra  Chanaan  erat  peculiaris  haereditas  populi  Dei.  Quum  ergo  illinc  abreptus  esset  Daniel,  et  longius  abduceretur,  nempe  in  Mediam,  et  postremo  in  Persiden,  ita  ut  nulla  esset  spes  reditus,  minime  dubium  est,  quin  assidue  gemuerit.  Neque  enim  tanti  erat  summus  splendor  apud  homines  profanos,  quin  praeferret  pignus  illud  gratiae  Dei  et  paternae  adoptionis,  nempe  terram  Chanaan.  Habuit  enim  haud  dubie  in  corde  suo  insculptum  quod  prius  a  Davide  scriptum  erat  (Psal.  84,  l  l  )  ,  Malo  esse  in  atriis  Domini,  quam  inter  summam  opulentiam  improborum  :  deinde,  Malo  abiectus  esse  in  domo  Dei,  quam  in  tentoriis  impiorum  habitare.  Sic  edoctus  fuerat  Daniel.  Et  non  frustra  Ezechiel  (Cap.  14,  14)  eum  nominat  inter  tres  sanctissimos  qui  fuerunt  ab  exordio  mundi.  Hoc  fuit  maximum,  etiam  quum  esset  adhuc  adolescens  vel  etiam  in  media  aetate,  coniungi  cum  Iob  et  cum  Noah,  sic  ut  esset  tertius  in  sanctitate  rara  et  fere  incredibili.  Quum  ergo  talis  esset,  minime  dubitandum  est  quin  confectus  fuerit  gravissimo  moerore,  ubi  vidit  se  addictum  aeterno  exsilio,  neque  ullam  spem  residuam  esse  reditus,  ut  posset  Deum  in  templo  suo  colere,  et  offerre  sacrificia  cum  reliquis.  Sed  ne  tamen  ingratus  esset  Deo,  voluit  hic  testari  se  sensisse  non  vulgarem  eius  benevolentiam,  quod  quum  esset  exsul  et  extorris  a  patria,  quum  esset  etiam  tractus  contumeliose  inter  captivos,  quod  tamen  honorifice  tractatus  fuerit,  etiam  inter  Medos  et  Persas.  Hoc  igitur  simpliciter  voluit.  Nam  certum  est,  Cyrum  mortuo  Dario,  ut  nuper  dixi,  fuisse  successorem