40:35  35  PRAELECTIONES  36  coniicio  puncta  fuisse  mutata*),  quia  bty  significat  rotundum  et  hic  bty  ponitur,  hoc  est  vitulus:  sed  nescio  cur  diceret  propheta  pedes  fuisse  vitulinos  aut  similes  vitulo,  videtur  hoc  esse  alienum:  etsi  de  re  parva  non  contendo),  et  scintillas  iaciebant  (alii  vertunt  et  scintillae)  tanquam  adspectus  chalybis  politi.  Videtur  hoc  additum  fuisse  exegetice.  Quia  enim  loquutus  fuit  Ezechiel  de  forma  hominis,  ideo  adiungit  pedes  fuisse  rectos:  quanquam  dicit  pedes  fuisse  vel  rotundos,  vel  vitulinos.  Quantum  attinet  ad  rectitudinem,  ego  refero  non  tantum  ad  pedes,  sed  ad  ipsa  crura.  Perinde  est  igitur  ac  si  dixisset  stetisse  animalia  illa,  quemadmodum  solent  homines.  Nam  differimus  a  brutis  animalibus  quae  prona  in  terram  respiciunt.  Sicut  dicit  non  abs  re  poeta,  dum  commendat  singularem  quam  Deus  hominibus  contulit  gratiam,  Os  homini  sublime  dedit,  coelumque  videre  Iussit,  et  erectos  ad  sidera  tollere  vultus.**)  Hoc  idem  nunc  significat  propheta,  quum  dicit  rectos  fuisse  pedes  animalibus.  Dicit  ergo  non  fuisse  animalia  quae  haberent  quidquam  affine  brutis,  sed  quae  referrent  humanam  imaginem,  vel  similitudinem.  Dicit  tamen  pedes  fuisse  rotundos,  et  hoc  videtur  ad  agilitatem  spectare,  vel  ad  varietatem  cursus:  quasi  diceret  pedes  non  fuisse  directos  in  unam  partem,  sed  ita  ut  quocunque  Deus  impelleret  illa  animalia,  facile  ipsis  esset  progredi,  quoniam  pedes  rotundi  erant.  Si  quis  velit  vel  ad  latus  dextrum  vel  ad  sinistrum  iter  facere,  sentiet  se  pugnare  cum  natura,  si  velit  etiam  retrogredi:  si  autem  rotunditas  sit  in  pedibus,  aut  forma  vitulina,  poterit  cursum  flectere  in  omnes  partes.  Videtur  ergo  talis  notari  agilitas  in  animalibus.  Quod  attinet  ad  scintillas  quae  rutilabant  instar  aeris  vel  chalybis  politi,  scimus  hanc  similitudinem  non  semel  occurrere  in  scriptura,  ubi  scilicet  Deus  vult  attentos  reddere  servos  suos,  proponere  figuras  novas,  quae  ipsos  in  admirationem  trahant.  Idem  ergo  prophetae  nostro  contigit,  quia  si  apparuisset  duntaxat  color  carneus  in  ipsis  animalibus,  hoc  fuisset  fere  neglectum:  saltem  propheta  non  tanta  attentione  considerasset  quid  vellet  illud  spectaculum.  Sed  quum  videret  crura  rutilantia,  et  videret  scintillas  undique  micantes  tanquam  ex  chalybe  polito,  tunc  necesse  habuit  mentem  suam  vehementius  applicare  ad  hanc  visionem.  Nunc  ergo  videmus  cur  dicat  adspectum  crurum  fuisse  instar  chalybis  politi,  et  scintillas  illic  micasse.  Sequitur,  .)  Scil.  Segol  et  Tsere.  **j  Ovid.  I.  Metamorph,  v.  85.