39:35  35  PRAELECTIONES  36  ab  ecclesia  sua.  Postquam  igitur  ostendit  Ieremias  Iudaeos  non  posse  nimis  duriter  tractari  quod  essent  prorsus  indomiti:  nunc  subiicit,  Et  nunc  propterea  sic  dicit  Iehovah,  Deus  Israel  de  urbe  hac,  vel  ad  urbem  hanc,  TJJn  btt.  b#  utrumque  significat:  sed  proprie  accipitur  hic  pro  De:  et  aptius  ita  vertitur  De  urbe  hac  de  qua  dixistis  traditam  esse  in  manum  regis  babylonii.  Videtur  hoc  non  esse  consentaneum,  quia  non  ipsi  Iudaei  protulerant  sententiam  adversus  Ierusalem,  quin  potius  pervicaciter  surgebant  contra  prophetas,  et  tumultuabantur  quoties  urbis  clades  denuntiata  fuerat.  Quid  ergo  hoc  sibi  vult,  quum  exprobrat  illis  Deus  sic  fuisse  loquutos?  ^Respondeo,  }ioc  quidem  fuisse  a  spiritu  Dei  profectum.  Deinde  prophetas  fuisse  huius  poenae  testes  ac  praecones:  sed  quum  Iudaei  viderent  se  non  posse  effugere,  tunc  cum  horrore  sic  apprehenderunt  Dei  iudicium,  ut  prorsus  essent  attoniti.  Et  id  semper  contingit  Dei  contemptoribus.  Nisi  enim  ipsos  urgeat,  subsannant  omnes  minas  vel  existimant  sibi  fabulas  narrari,  quum  Deus  denuntiat  se  sumpturum  de  illis  vindictam.  Ubi  autem  ad  extrema  ventum  est,  obstupescunt,  et  sine  ulla  spe  tantum  agnoscunt  Deum  sibi  esse  infestum:  hinc  desperatio.  Propheta  ergo  non  abs  re  illis  exprobrat,  quod  dixerint  urbem  esse  traditam  regi  Chaldaeo,  quum  scilicet  non  tantum  oppugnaret  eam  valido  exercitu,  sed  haberet  adiutores,  et  quasi  socios  gladium,  famem  et  pestem.  Nam  antequam  obsidio  illos  premeret,  vidimus  ut  pro  nihilo  duxerint  quidquid  pronuntiabat  Ieremias.  Nam  lusit  operam  fere  per  annos  40.  Et  quotidie  tamen  resonabat  illud  vaticinium  de  clade  urbis,  de  exsilio  et  abdicatione  populi,  de  interitu  omnium  sacrorum.  Iam  postquam  viderunt  serio  rem  agi,  nec  se  posse  Dei  vindictam  effugere,  tunc  prolapsi  sunt  ad  aliud  extremum,  quod  scilicet  Deus  vanus  esset  in  suis  promissis,  quod  foedus  eius  esset  irritum  et  nullius  momenti,  quod  frustra  ipsum  coluissent,  quod  verba  dedisset,  et  eos  lactasset  inaniter,  quum  pollicitus  fuisset  se  habitaturum  in  medio  ipsorum.  Hoc  igitur  sensu  dicebant  urbem  esse  traditam  in  manum  regis  babylonii,  perinde  ac  si  abscissa  esset  spes  reditus.  Abiiciebant  enim  prorsus  Dei  gratiam,  et  quidquid  per  Ieremiam  pollicebatur  dicebant  vanum  esse,  quoniam  terror  occupaverat  eorum  mentes  et  sensus,  ut  scilicet  nullum  darent  amplius  locum  misericordiae  Dei.  Dixi  hoc  contingere  omnibus  reprobis,  ut  Deum  irrideant  ubi  ipsis  parcit  et  indulget  :  ubi  autem  sentiunt  illum  iudicem,  tunc  non  respiciunt  ad  misericordiam  eius:  sed  iacent  sub  desperatione  quasi  exanimes.  Nunc  tenemus  consilium  prophetae,  ubi  sermonem  hunc  Iudaeis  adscribit,  quod  dixerint  urbem  esse  traditam  Chaldaeis  et  Babyloniis,  quia  scilicet  liberatio  promissa  non  poterat  quidquam  solatii  illis  afferre,  ex  quo  sibi