35:35  35  SERMON  CXXI  36  moyens  d'estre  enseignez.,  Et  pourquoi?  Car  ils  ne  savent  ou  ils  en  sont,  ils  n'ont  point  de  Prophete,  ils  n'ont  point  de  doctrine  certaine  pour  estre  conduits  et  guidez.  Mais  il  n'est  point  ainsi  de  vous,  disoit  Dieu  aux  enfans  d'Israel.  Ie  vous  donnerai  tousiours  quelque  Prophete  tellement  que  i'habiterai  privement  au  milieu  de  vous,  et  ma  verite  vous  sera  cognue.  Yoila  donc  les  Prophetes  qui  ont  este  en  l'Eglise  de  Dieu,  suivant  sa  promesse,  et  c'a  este  une  chose  toute  commune.  Mais  Eliu  habitait  au  milieu  de  ceux  qui  n'avoyent  point  la  Loi  ne  les  promesses  de  Dieu,  et  nostre  Seigneur  ne  s'estoit  point  allie  avec  ces  gens-la:  car  ou  ils  estoyent  devant  la  Loi,  ou  ils  estoyent  au  milieu  des  idolatres  :  comme  nous  avons  dit,  que  Thare  et  Nachor  qui  estoyent  les  grands  peres  ou  ancestres  d'Eliu  estoyent  idolatres.  Ainsi  donc  quand  Eliu  a  este  institue  de  Dieu  pour  savoir  parler,  comme  nous  voyons,  c'a  este  une  chose  extraordinaire:  pourtant  il  ne  faut  point  trouver  nouveau  s'il  y  a  grand  changement  en  lui,  et  que  Dieu  monstre  ici  une  vertu  qui  n'est  point  accoustumee,  et  qu'Eliu  se  sente  comme  change:  car  mesmes  afin  que  les  propheties  eussent  plus  d'autorite,  nous  voyons  que  Dieu  y  a  mis  par  fois  quelques  marques  patentes.  Comme  de  Saul  quand  Dieu  Ta  voulu  appeller  au  royaume,  il  l'a  change  et  renouvelle,  tellement  qu'on  voit  un  homme  tout  autre  et  tout  divers  qu'il  n'avoit  este  auparavant.  Et  Saul  est-il  aussi  bien  entre  les  Prophetes?  comme  le  texte  le  porte.  Si  donc  Dieu  a  ainsi  touche  au  vif  les  Prophetes  qui  estoyent  appellez  en  cest  estat,  combien  qu'ils  y  fussent  selon  sa  promesse,  et  que  ce  fust  comme  un  ordre  accoustume,  s'il  les  a,  di-ie,  ainsi  changez  tellement  qu'on  voyoit  qu'ils  estoyent  des  hommes  ravis:  par  plus  forte  raison  quand  il  a  besongne  en  quelque  Payen  qui  estoit  hors  de  son  Eglise,  il  a  bien  fallu  qu'il  y  eust  une  marque  notable,  et  qu'on  cognust  que  la  main  de  Dieu  estoit  la  dessus.  Or  comme  le  diable  a  este  tousiours  un  singe  de  Dieu,  et  a  contrefait  ses  oeuvres,  les  faux  prophetes  des  incredules  qui  ont  apporte  revelations  au  nom  des  idoles,  ont  eu  le  semblable:  car  ils  ont  este  transportez.  Si  on  venoit  s'enquerir  de  quelque  chose  secrette  aux  idoles  qui  avoyent  le  bruit  et  renom  de  deviner  les  choses  a  venir,  et  bien,  ils  avoyent  la  leurs  prophetes  ou  hommes  ou  femmes,  qui  estoyent  comme  a  demi  morts,  quand  il  estoit  question  de  respondre  a  ceux  qui  s'estoyent  enquis:  ils  se  trainoyent  comme  ceux  qui  sont  tombez  du  haut  mal:  ii  y  avoit  les  escumes,  les  yeux  tournoyent  en  la  teste.  Et  notamment  cela  s'est  fait,  pource  que  le  diable  a  voulu  esblouir  les  yeux  des  povres  ignorans,  et  les  a  abbrutis  en  telle  facon  qu'ils  estoyent  esmeus  de  reverence  maugre  qu'ils  en