34:35  35  SERMON  LXIV  36  il  ne  nous  y  faudroit  point  arrester  par  trop,  cela  devroit  estre  comme  en  passant:  et  encores  il  se  devroit  faire  a  autre  fin,  c'est  assavoir  que  nous  soyons  marris  qu'on  prenne  scandale  en  nos  personnes.  Voila,  si  on  iuge  mal  de  moi,  si  est-ce  que  i'ai  tasche  de  servir  a  Dieu:  que  nous  parlions  donc  ainsi,  afin  que  nous  ne  soyons  point  en  mauvais  exemple.  Mais  si  faut-il  encores  que  cela  coule  legerement:  car  nous  ne  pensons  point  au  iugement  de  Dieu,  et  n'entrons  pas  en  nos  consciences,  cependant  que  nous  plaidons  ainsi  avec  les  hommes.  Nous  voyons  ce  vice-la.  par  trop  commun.  Retenons  donc  ceste  lecon  qui  nous  est  ici  monstree,  c'est  que  nos  yeux  decoulent  larmes  devant  Dieu.  Et  comment?  Que  nous  iettions  les  yeux  en  haut.  Oar  voyons-nous  que  les  hommes  nous  sont  si  malins,  que  nous  ne  puissions  tirer  nulle  raison  d'eux,  combien  qu'il  leur  soit  aise  de  iuger  de  nostre  vie,  et  que  nous  n'ayons  rien  commis  pourquoy  ils  nous  deussent  ainsi  condamner?  Apprenons  de  recourir  a  Dieu,  et  contentonsnous  de  l'avoir  pour  nostre  garent.  Voila  donc  oii  c'est  que  Iob  nous  mene,  quand  nous  suivrons  deuement  son  exemple.  Et  par  cela  aussi  nous  est  monstre  tant  plus  clairement  pourquoy  il  a  fait  les  protestations  que  nous  avons  veu  n'agueres.  Ainsi  en  ce  passage  il  se  complaint,  d'autant  qu'il  estoit  condamne  des  hommes  a  tort.  Or  venons  maintenant  plus  outre.  Il  demande  qu'il  luy  fust  licite  de  plaider  avec  Dieu,  comme  a  un  homme  mortel  avec  son  pareil:  mais  (dit-il)  les  iours  brefs  viennent,  et  le  chemin  par  lequel  ie  ne  retourneray  point.  Quand  Iob  desire,  qu'il  luy  fust  licite  de  plaider  avec  Dieu,  c'est  suivant  ce  que  nous  avons  desia  veu  par  ci  devant:  car  il  monstre  par  cela  qu'il  se  despite,  d'autant  que  le  mal  lui  estoit  si  grief  a  porter  qu'il  n'en  pouvoit  plus.  Or  en  cela  il  y  a  de  la  faute  :  il  ne  faut  pas  que  nous  excusions  Iob  en  tout  et  par  tout:  mais  regardons  a  ce  que  nous  avons  dit,  c'est  assavoir,  qu'ayant  une  bonne  cause  ii  se  transporte,  et  est  trop  excessif.  Et  pourquoy  cela?  Car  s'il  eust  cognu  ses  transgressions,  et  les  fautes  qu'il  avoit  commises,  il  se  fust  paisiblement  assubiecti  a,  la  volonte  de  Dieu,  et  ne  fust  plus  entre  en  procez,  ni  en  querelle.  Il  a  declare  ci  dessus,  qu'il  savoit  bien  que  les  Anges  n'estoyent  pas  purs  devant  Dieu:  et  qu'il  y  avoit  une  iustice  si  parfaite  en  Dieu,  qu'il  faut  que  tout  ce  que  les  creatures  peuvent  amener  soit  aneanti:  que  si  la  clarte  du  soleil  obscurat  les  estoilles,  il  faut  bien  encore  par  plus  forte  raison  que  la  iustice  de  Dieu  engloutisse  tout  ce  que  nous  cuidons  avoir.  Iob  donc  a  ainsi  parle  :  et  s'il  eust  retenu  ceste  apprehension-la,  il  ne  se  fust  pas  ainsi  desborde,  disant,  Ie  voudroye  qu'il  me  fust  licite  de  plaider  avec  Dieu.  Mais  (comme  desia  nous