33:35  35  SERMON  II  36  champs  et  vignes,  et  prez,  et  terres,  argent  et  marchandise,  regardent  d'en  user  comme  s'ils  n'avoyent  rien,  qu'ils  soyent  povres  de  coeur.  Voila  donc  ce  que  nous  avons  a.  noter  sur  ce  passage.  Et  qu'on  n'allegue  point  qu'il  est  bien  difficile  de  se  maintenir  purement  au  milieu  de  tant  de  richesses,  veu  que  Iesus  Christ  mesmes  les  appelle  espines:  car  l'exemple  de  Iob  condamnera  tous  ceux  qui  ne  se  gardent  point  impollus,  quelque  difficulte  qu'il  y  ait.  Il  est  bien  certain  qu'un  homme  riche  aura  beaucoup  plus  d'affaires  a  cheminer  en  la  crainte  de  Dieu,  qu'un  povre.  Vray  est  que  la  povrete  de  soy  apporte  beaucoup  de  tentations:  car  quand  un  homme  est  en  necessite,  alors  il  regarde,  que  doy-ie  devenir?  et  le  diable  le  pousse  a  deffiance:  sur  cela  il  sera  induit  a  murmurer  contre  Dieu,  comme  nous  voyons  que  beaucoup  se  despitent,  et  leur  semble  que  Dieu  leur  fait  tort  et  ne  savent  de  quel  coste  se  tourner,  et  puis  ils  concluent,  Puis  que  ie  ne  puis  gaigner  ma  vie  par  mon  labeur  sans  faire  tort  a  autruy,  il  faut  que  i'y  procede  autrement.  Sur  cela  ils  se  donnent  licence  de  piller  et  desrober,  et  font  beaucoup  de  mauvais  tours,  et  choses  dommageables  a,  leurs  prochains.  Voila  (di-ie)  les  tentations  qu'apporte  la  povrete.  Mais  si  on  fait  comparaison,  il  est  certain  que  les  plus  riches  auront  de  plus  grands  assauts  beaucoup,  d'autant  que  Satan  est  tousiours  apres  pour  leur  bander  les  yeux,  afin  qu'ils  se  mescognoissent,  et  que  s'estans  oubliez,  ils  s'eslevent  contre  Dieu,  qu'ils  soyent  du  tout  attachez  a  ce  monde,  qu'ils  se  moquent  de  la  vie  celeste,  qu'ils  se  persuadent  que  rien  ne  leur  peut  nuire,  qu'ils  abusent  de  leur  credit  en  beaucoup  de  sortes,  qu'il  ne  leur  chaille  de  rien,  qu'ils  ne  puissent  porter  nul  ioug,  qu'ils  ne  se  vueillent  assubietir  a  nulle  raison,  qu'il  leur  semble  que  les  autres  ne  sont  pas  dignes  de  converser  avec  eux,  tellement  que  s'il  leur  estoit  possible,  ils  raviroyent  la  clairte  du  soleil  aux  povres,  d'autant  qu'ils  le  font  a  croire,  qu'ils  meritent  bien  d'estre  separez,  et  mis  comme  en  un  reng  a  part.  Voila  donc  les  corruptions  qu'apportent  les  richesses  et  autres  infinies:  mais  si  est-ce  qu'il  n'y  a  nulle  excuse  pour  ceux  qui  sont  riches.  Pourquoy?  Voici  Iob  qui  sera  constitue  leur  iuge  devant  Dieu,  d'autant  qu'il  n'a  point  este  corrompu  ne  perverti  par  une  grande  abondance,  et  quantite  de  biens  qu'il  avoit,  que  tousiours  il  n'ait  servi  a  Dieu  en  simplicite.  Or  si  les  riches  sont  rendus  inexcusables,  que  les  povres  aussi  regardent  bien  a  eux:  car  nous  avons  desia  dit,  qu'il  est  plus  facile  a  un  homme  a  qui  Dieu  n'aura  point  donne  si  grande  abondance,  de  cheminer  simplement,  qu'a  ceux  qui  ont  grand'  vogue.  C'est  comme  si  quelqu'un  estoit  en  une  petite  nacelle,  et  en  une  riviere  petite: