3:35  35  EPISTRE  AU  ROY  DE  FRANCE.  36  ce  qu'on  n'a  point  veu  iusques  icy  en  vostre  royaume,  ou  qui  veuillent  couvrir  leur  licence1)  charnelle  du  nom  de  la  liberté  qui  nous  est  donnée  par  la  grace  de  Dieu,  comme  i'en  cognoy  plusieurs:  il  y  a  loix,  et  punitions  ordonnées  par  les  loix,  pour  les  corriger  asprement  selon  leurs  delicts.  Mais  que  cependant  l'Evangile  de  Dieu  ne  soit  point  blasphemé  pour  les  malefices  des  meschans.  Vous  avez,  Sire,2)  la  venimeuse  iniquité  de  noz  calomniateurs  exposée  par  assez  de  parolles,  afin  que  vous  n'encliniez  pas  trop  l'oreille  pour  adiouster  foy  à  leurs  rapports.  Et  mesme  ie  doute  que  ie  n'aye  esté  trop  long:  veu  que  ceste  preface  a  quasi  la  grandeur  d'une  defense  entiere:  combien  que  par  icelle  ie  n'aye  pretendu  composer  une  defense,  mais  seulement  adoucir  vostre  coeur  pour  donner  audience  à  nostre  cause.  Lequel,3)  combien  qu'il  soit  à  present  destourné  et  aliené  de  nous,  i'adiouste  mesme  enflambé,  toutesfois  i'espere  que  nous  pourrons  regagner  sa  grace,  s'il  vous  plaist  une  fois  hors  d'indignation  et  courroux  lire  ceste