28:35  35  SERMON  CXXVII.  36  I  e  vous  prie,  ne  voila  point  une  souilleure  quand  on  desguise  ainsi  Tordre  de  Dieu?  N'est-ce  point  comme  le  despiter?  Et  sommes-nous  dignes  de  iouyr  des  biens  qu'il  nous  fait,  quand  nous  ne  savons  pas  y  tenir  autre  mesure?  Si  on  voit  qu'un  enfant  gourmande  trop,  on  ostera  ce  vice,  et  luy  retranchera-on  ses  morceaux.  Et  mesmes  quand  il  est  par  trop  friant  et  adonne  a  ses  appettis,  on  luy  donnera  tout  le  contraire.  Et  pourquoy?  Car  on  1e  gaste.  Et  il  sera  perdu  avec  l'aage,  s'il  est  nourri  en  telles  delices.  Puis  qu'ainsi  est,  quand  nous  serons  devenus  en  aage  d'homme,  si  nous  abusons  ainsi  des  biens  que  Dieu  nous  distribue,  voire  avec  ordre,  et  que  nous  les  meslions,  et  que  nulle  variete  ne  nous  contente:  ne  faut-il  pas  que  nostre  Seigneur  y  provoye,  et  qu'il  use  d'un  remede  force,  quand  il  voit  que  de  nostre  bon  gre  nous  ne  pouvons  garder  nulle  attrempance?  Si  on  demande,  et  voire,  mais  tous  meslinges  sont-ce  autant  de  pechez?  Ie  ne  parleray  pas  si  rudement.  Mais  tant  y  a  que  le  principe  est  venu  d'une  convoitise  mauvaise.  Ceux  qui  ont  invente  ainsi  tant  de  varietez,  afin  de  remplir  les  appettis,  il  est  certain  qu'ils  ont  offense  Dieu,  et  qu'on  les  doit  detester,  combien  qu'ils  ayent  este  approuvez  en  leurs  temps,  et  qu'on  ait  dit:  O  voila  un  bon  cuisinier:  o  voila  un  bon  maistre  d'hostel:  qu'ils  ont  fait  gloire  quand  ils  ont  invente  beaucoup  de  friandises,  qu'ils  ont  mesle  les  choses  pour  faire  des  saupiquets  nouveaux,  et  ie  ne  say  quoy  pour  complaire  a  ceux  qui  demandoyent  d'estre  traittez  trop  delicatement.  Il  faut  detester  tout  cela,  et  seroit  a  souhaiter  que  telles  gens  fussent  avortez  au  ventre  de  leurs  meres.  Mais  maintenant  que  devons-nous  faire,  sinon  de  reprimer  tout  ce  qui  est  superflu,  et  ce  qu'on  voit  estre  vicieux?  n'y  doit-on  pas  tascher  de  tout  son  pouvoir?  Mais  quoy?  Tant  s'en  faut  que  nul  se  corrige,  qu'il  semble  qu'on  vueille  user  de  prescription  a  l'encontre  de  Dieu:  quoy  qu'il  nous  soit  remonstre,  nous  n'y  profitons  rien.  Et  pourquoy?  Nous  sommes  en  usage.  Or  Dieu  monstrera  en  la  fin  qu'il  n'y  a  possession  legitime,  que  celle  qui  est  reiglee  a  sa  Loy  et  a  sa  volonte.  Et  mesmes  ne  doutons  point  que  nostre  Seigneur  ne  punisse  souventesfois  tant  de  superfluitez,  quand  il  nous  retranchera  les  viandes.  Il  est  vray  que  nostre  nature  est  encline  a  cela,  de  tousiours  ietter  a  l'abandon,  et  mettre  en  confusion  les  choses  que  Dieu  avoit  distinguees:  mais  si  est-ce  que  nous  devons  sentir  les  signes  de  son  ire,  quand  il  ne  se  monstre  point  si  liberal  envers  nous.  Et  si  nous  estions  bien  sages  et  advisez,  nous  n'attendrions  point  cela:  il  nous  suffiroit  de  ce  qui  est  ici  dit,  c'est  assavoir  que  nous  ne  devons  point  mesler  les  creatures  de  Dieu,  que  tousiours  il  n'y  ait  une  simplicite  en  nostre  facon  de  vivre.  Voila  donc