27:35  35  SERMON  LXXI.  36  nostre  Dieu,  et  que  ses  commandemens  nous  semblent  estre  durs  et  aspres.  Quoy?  Si  est-ce  que  nostre  Dieu  ne  pourroit  user  d'une  humanite  plus  grande  que  de  nous  convier  a  soy,  afin  que  nous  l'aimions  tout  ainsi  qu'il  nous  a  aimez:  nous  ayant  prevenus,  il  veut  que  nous  suyvions.  Or  maintenant  il  est  certain  que  combien  que  Dieu  ne  demande  que  d'avoir  la  reverence  qu'il  merite  :  toutesfois  si  est-ce  que  nous  ne  le  pouvons  pas  servir  et  honorer  iusques  a  ce  qu'il  ait  reforme  nos  coeurs.  Et  en  cela  voit-on  quelle  perversite  ii  y  a  en  tous  hommes  depuis  le  peche  originel.  Voila  Dieu  qui  nous  commande  seulement  que  nous  l'aimions,  et  que  nous  luy  portions  honneur  :  voila  tout  le  contenu  de  la  Loy.  Or  tant  s'en  faut  qu'un  chacun  de  nous  s'acquitte  en  perfection  de  ce  qui  luy  est  commande,  que  nous  ne  saurions  avoir  une  seule  bonne  pensee:  mais  que  nous  machinons  de  resister  en  tout  et  par  tout  a  ce  que  Dieu  nous  commande.  Apprenons  donc  destre  confus,  et  d'avoir  honte  de  la  perversite  de  nostre  nature,  voyans  que  nous  sommes  si  miserables  de  batailler  a  l'encontre  de  Dieu  et  de  sa  iustice,  voire  combien  que  ce  qu'il  demande  soit  plus  qu'equitable.  Voila  donc  ce  que  nous  avons  a  noter,  quand  nous  sentons  en  nous  une  telle  loy  toute  contraire  a  celle  que  Dieu  nous  a  donnee.  Et  de  la  aussi  nous  sommes  advertis,  que  c'est  en  vain  que  les  hommes  voudront  contester:  comme  il  y  en  a  beaucoup  qui  pretendent  de  s'excuser,  d'autant  qu'ils  sont  infirmes,  ou  mesmes  que  leur  nature  est  tant  vicieuse  qu'ils  ne  se  peuvent  point  adonner  a  Dieu.  Voire,  comme  si  le  mal  qui  est  en  nous,  nous  servoit  de  deffense.  N'est-ce  pas  se  mocquer  de  Dieu?  Un  homme  confessera-il  que  il  est  meschant,  afin  d'estre  absout  de  son  iuge?  Or  ici  il  nous  est  monstre  que  toute  la  difficulte  que  nous  avons  d'obeir  a  Dieu,  et  mesmes  quand  il  nous  est  impossible  de  nous  mettre  en  avant  pour  accomplir  le  moindre  commandement  de  la  Loy,  que  cela  n'est  pas  pour  nous  iustifier.  Pourquoy?  Qu'on  regarde,  et  on  trouvera  que  la  faute  ne  procede  point  de  la  Loy:  car  elle  ne  demande  sinon  que  nous  servions  a  nostre  Dieu:  et  puis  que  nous  l'aimions  en  luy  portant  la  reverence  qui  luy  est  deue:  et  qu'est-ce  que  faire  cela?  Ainsi  cognoissons  que  nous  sommes  du  tout  coulpables  en  n'obeissant  point  a  nostre  Dieu:  et  combien  que  nous  n'ayons  aucune  vertu  de  satisfaire  a  nostre  office:  tant  y  a  que  nous  ne  sommes  point  quittes  pourtant,  veu  que  tout  ce  que  Dieu  demande  n'est  que  toute  equite,  et  raison.  Cependant  il  nous  doit  souvenir  de  ce  qui  a  este  expose  ci  dessus,  c'est  assavoir  quant  a  ce  passage  ou  Moyse  monstre  quel  est  le  moyen  de  bien  accomplir  la  Loy:  ce  n'est  que  nous  ayons  les  yeux,  et  les  mains,  et  les  pieds  seulement  reiglez:  mais  il  faut  commencer  par  le