26:35  35  SERMON  XIII.  36  comme  ennemi,  cela  eust  este  un  desordre.  Ceci  donc  s'accorde  tresbien,  c'est  assavoir,  que  Sehon  estoit  desia  condamne  de  Dieu:  et  que  le  peuple  d'Israel  possedera  son  pays,  ayant  dechasse  du  lieu  tous  les  habitans:  et  au  reste,  que  cela  ne  se  face  point  iusques  a  ce  que  la  rebellion  de  Sehon  soit  cogneue,  et  que  luy-mesme  se  depossede,  et  qu'il  soit  cause  de  la  guerre,  tellement  que  la  coulpe  luy  en  puisse  estre  iustement  imputee.  Notons  bien  donc  que  Moyse  n'a  point  ici  decline  faisant  du  sage,  comme  les  hommes  ont  leur  prudence  a  part:  il  faudra  qu'ils  forgent  ie  ne  say  quoy  en  leur  teste,  comme  s'ils  estoyent  mieux  advisez  que  Dieu.  Voila  donc  comme  nous  en  usons  communement.  Mais  une  telle  provoyance  est  maudite,  quand  nous  cuidons  par  nos  astuces,  et  par  nos  inventions  faire  mieux  que  Dieu  ne  nous  aura  commande.  Moyse  n'y  a  point  procede  en  telle  sorte,  il  a  suivi  simplement  la  volonte  de  Dieu.  Mais  cependant  on  pourroit  trouver  fort  estrange,  que  Dieu  envoye  un  message  de  paix  a  Sehon:  et  toutesfois  que  desia  il  ait  conclu  que  cela  ne  profitera  rien.  Or  en  ceci  il  faut  que  tout  orgueil  du  monde  soit  abbatu,  et  que  nous  cognoissions  la  facon  que  Dieu  tient  envers  nous,  avec  telle  humilite,  que  si  nos  sens  defaillent,  que  nous  adorions  ses  secrets  incomprehensibles.  Et  voici  un  passage  digne  de  memoire,  quand  il  est  dit,  que  Dieu  envoye  a  Sehon,  ou  Moyse  par  son  authorite,  qu'il  envoye  a  Sehon  demander  qu'il  souffre  que  le  peuple  passe,  qu'il  le  prie  doucement,  et  qu'il  luy  monstre  quel  est  son  profit:  et  cependant  que  desia  Dieu  ait  arreste  que  Sehon  n'en  feroit  rien,  et  qu'il  faut  qu'il  soit  perdu,  et  desconfi.  Cela  pourroit  sembler  fort  estrange  a  nostre  fantasie.  Quand  les  hommes  veulent  disputer  des  oeuvres  de  Dieu  et  de  sa  providence,  selon  leur  iugement  propre,  ils  se  trouveront  a  murmurer  tous  les  coups.  Et  voila  comme  ces  langues  venimeuses  auiourd'huy  se  desbordent,  qu'il  y  en  ha  qui  n'ont  nulle  honte  de  blasphemer  contre  Dieu,  quand  on  parle  de  son  conseil  estroit  et  comme  il  dispose  des  choses  de  ce  monde,  voire,  d'une  facon  qui  nous  est  incognue,  et  que  nous  ne  comprendrons  iusques  a  ce  que  nous  soyons  despouillez  de  nostre  chair:  ils  se  tempestent,  et  s'aigrissent  a  l'encontre  de  Dieu.  Et  pourquoy  ?  d'autant  que  cela  surmonte  leur  capacite.  Et  si  la  iustice  de  Dieu  est  trop  haute  pour  nous,  faudra-il  qu'elle  soit  amoindrie  pourtant?  Si  son  conseil  est  par  dessus  toute  nostre  apprehension,  faudra-il  qu'il  luy  soit  cache,  et  que  il  n'ait  nulle  authorite  par  dessus  nous?  Mais  ce  passage  est  assez  suffisant  pour  clorre  la  bouche  a  telles  canailles.  Car  voici  une  obiection  commune  que  font  telles  bestes:  Comment?  si  les  hommes  n'avoyent  leur  franc-arbitre  pour  accepter  ce  que  Dieu  leur  dit,  ou  bien  pour  le  reietter,  et  si  la