21:35  35  VIE  DE  CALVIN  disoit  avoir  experimente  ne  pouvoir  remedier  que  par  une  diete  continuelle,  de  sorte  que  quelquefois  ie  Tay  veu  faire  entiere  abstinence  iusqu'au  deuxieme  iour.  Estant  de  si  petite  vie  il  dormoit  fort  peu:  et  la  pluspart  du  temps  estoit  contraint  de  s'eschauffer  sur  son  lict,  duquel  aussi  il  a  dicte  la  pluspart  de  ses  livres,  estant  en  continuel  et  tresheureux  travail  d'esprit.  Voila  le  train  que  cest  excellent  serviteur  de  Dieu  a  suyvi  d'une  continuelle  teneur,  s'oubliant  soy-mesmes  pour  servir  a  Dieu  et  au  prochain  en  sa  charge  et  vocation.  Cependant  ii  n'a  sceu  tant  faire  que  Satan  ne  luy  ait  dresse  toutes  les  calomnies  les  plus  effrontees  du  monde,  mais  ce  n'est  point  chose  nouvelle.  Car  c'est  le  salaire  que  le  monde  a  rendu  de  tout  temps  a  ceux  qui  l'ont  voulu  retirer  de  perdition.  Ie  ne  respondray  [page  31]  point  a  ceux  qui  l'appellent  heretique  et  pire  qu'heretique,  duquel  ils  ont  forge  un  nouveau  nom  de  Calvinistes:  car  sa  doctrine  fournit  de  responses  au  contraire  plus  que  suffisantes.  Aucuns  Font  charge  d'ambition,  mais  s'ils  en  peuvent  alleguer  un  seul  argument  ie  suis  content  de  passer  condamnation.  T  a  il  homme  qui  ait  suivi  plus  grande  simplicite  en  exposition  d'Escriture?  et  toutesfois  qui  a  plus  eu  dequoy  se  faire  valoir,  s'il  eust  voulu  profaner  l'Escriture  par  subtilitez  et  vaines  ostentations  ?  Il  vouloit  tout  gouverner,  disent-ils.  O  vilaine  et  fausse  impudence!  quelle  preemience  a-il  iamais  cerchee  ?  et  s'il  en  eust  cerche  qui  l'eust  empesche  d'en  avoir?  avee  qui  eut  il  iamais  debat  du  premier  ou  second  lieu?  quand  on  luy  a  defere  ce  qui  appartenoit  aux  dons  et  graces  que  Dieu  avoit  mises  en  luy,  quand  a-il  este  veu  change  tant  soit  peu?  quand  se  trouvera-il  avoir  iamais  abuse  de  sa  charge  et  authorite  envers  le  moindre  du  monde?  quand  a-il  entrepris  ne  fait  chose  sans  l'avis  ou  contre  l'opinion  de  ses  compagnons?  Brief,  quelle  difference  avons  nous  iamais  veue  entre  luy  et  nous  sinon  qu'il  nous  surpassoit  tous  en  toute  humilite  entre  autres  vertus,  et  en  ce  qu'il  prenoit  seul  plus  de  peine  que  nous  tous?  Y  avoit-il  homme  plus  simplement  [page  32]  habille,  ni  plus  modeste  en  toute  contenance?  Y  avoit-il  maison  pour  la  qualite  d'un  tel  homme,  ie  ne  di  point  moins  somptueusement,  mais  plus  povrement  meublee?  Si  on  ne  m'en  croit  et  dix  mille  tesmoins  avec  moy,  au  moins  que  les  petites  facultez  de  son  frere  et  seul  heritier  et  l'inventaire  de  tous  ses  biens  en  soient  creus,  et  il  se  trouvera  que  toute  sa  succession  (y  comprins  mesmes  ses  livres  qui  ont  este  cherement  vendus  a  cause  de  sa  memoire  tresprecieuse  a  toutes  gens  doctes)  ne  passe  point  deux  cens  escus.  Ce  sera  aussi  pour  respondre  a,  ces  effrontez  calomniateurs  qui  se  sont  desbordez  iusques  a  le  faire  les  uns  un  usurier  les  autres  un  banquier,