19:35  35  EPISTOLAE  3559.3562  36  3559.  CALVINUS  SARNICIO.  Laudat  eius  fidem,  Blandratam,  Gentilem  et  Lismaninum  notat.  (Exstat  in  Arch.  Turic.  Plut.  VI.  Vol.  168,  olim  Scrin.  B.  Vol.  25,  fol.  135.  Simler.  Vol.  102.  Edidit  Beza  nomine  Sarnicii  omisso  Gener.  p.  257,  Laus.  p*  533,  Hanov.  p.  599,  Chouet  p.  351,  Amst.  p.  160.)  Quod  mihi  per  literas1)  innotescere  voluisti,  eximie  vir,  ut  posthac  te  inter  amicos  meos  censeam,  gratissimum  mihi  fuit:  ac  sicuti  libenter  amplector  hoc  benevolentiae  tuae  studium,  ita  vicissim  polliceor  me  fraterno  et  grato  erga  te  fore  animo,  sicuti  et  tua  pietas  et  eruditio  merentur:  cuius  utriusque  in  literis  illustre  specimen  apparet.  Nam  quum  omnes  in  Blandrata  hallucinentur,  tanquam  eius  praestigiis  fascinati,  unus  prudenter  subolfacis  non  temere  esse  credendum.  Sed  ne  coniecturis  tantum  agamus,  scito  Valentinum  Gentilem,  cuius  deliria  breviter  refutavi,2)  ex  eadem  fuisse  factione,  atque  adeo  alterum  Blandratam:  quamvis  neuter  alteri  cederet.  Non  fuisse  deprehensas  eius  fraudes  in  Polonia,  nec  adhuc  perspici  quam  insidiosus  sit  et  fallax,  tolerabile  forsan  esset.  Sed  valde  miror  hominem,  quem  sola  ostentatio  et  fastuosus  vultus  commendat,  tanti  apud  vos  fieri,  ut  quasi  novus  Atlas  ecclesiam  sustineat  suis  humeris.  Certe  tam  inconsideratae  credulitatis  nisi  me  puderet,  gentem  vestram  non  amarem.  Caeterum  ex  communibus  literis,  quas  ecclesiis  scribo,3)  plane  ad  satietatem,  imo  ad  fastidium  usque  perspicies  quid  hominis  sit,  vel  bestiae,  vel  monstri.  Lismaninum  tractavi  paulo  asperius,  quod  quasi  pro  imperio  me  cogere  visus  est  ut  maculam  eluerem  qua  dolebat  aspersum  fuisse  Blandratam.4)  Vale,  eximie  vir  et  mihi  ex  animo  colendo  frater.  Dominus  te  spiritu  suo  semper  gubernet,  sustineat  invicta  virtute,  et  donis  suis  in  dies  locupletet.  Genevae,  7  Idus  Octobris  1561.  3559.1)  N.  3506.  2)  Opp.  IX.  361.  3)  Vtlnensibus  N.  3562.  4)  Hoc  comma  de  Lismanino  abest  ab  edd.