16:35  35  EPISTOLAE  2390.2392  36  agnoscebatur.  Illustrationem  vero  ipsius  tantum  bonum  esse  arbitror,  ut  citra  illud  in  ecclesia  sua  Deus  coli  sinceriter  nequeat.  Sunt  qui  pro  communi  pace  causam  hanc  sepultam  et  oppressam  iacere  cupiunt:  ego  vero,  nisi  fons  iste  multorum  malorum  aboleatur,  magnam  christianae  doctrinae  partem  deesse  in  ecclesia  Christi  existimabo.  Quapropter  hebdomada  elapsa,  quum  apud  nos  esset  N.,2)  ad  ecclesias  Polonicas  epistolam  satis  prolixam  dedi,3)  qua  de  vera  scripturarum  divinarum  sententia  in  hac  sacramentaria  causa  sincere  ac  dilucide  summa  diligentia  monui.  Precor  Deum  ut  literas  meas  inutiles  esse  non  patiatur.  Alterum  vero  commodum  libri  tui  est,  Westphalum  et  similes  eius,  qui  sermonibus  humanis  et  lenibus  cicurari  nequeunt,  hoc  excantationis  genere  ad  sua  latibula  e  quibus  emerserant  rursus  esse  compellendos,  ut  serpentum  instar  suo  veneno  se  ipsos  tantum  alant  et  oblectent:  sed  illud  infundere  aliis  et  eos  necare  amplius  non  audeant.  Conquerentur  acrem  et  vehementem  in  scribendo  te  fuisse?  4)  Rogabimus  cur  Westphalus  velut  Cecias  has  nubes,  hymbres  *,  grandines,  tonitrua  et  fulmina  sibi  ultro  accersiverit.  Dolebunt  huius  pugnae  tam  cruentum  fuisse  conflictum?  Regeremus  vicissim  non  potuisse  alia  ratione  Centauros  et  Cyclopes.  Deplorabunt  aliqui  eorum  nimis  acerba,  utque  alias  dixerunt,  scurrili  dicacitate  actum?  Respondebimus  non  scurrarum  petulantia  sed  robustis  argumentis  et  firmissimis  rationibus  Westphali  gladiatoriae  audaciae  occursum  esse.  Ad  summam,  quid  alii  iudicent  ipsi  viderint:  mihi  quod  scripsisti  summopere  placet  ac  vehementer  probatur.  Quapropter  quum  de  opera  quam  scribendo  bene  collocasti,  tum  de  libello  ad  me  misso  quantas  possum  gratias  ago.  Vale,  clarissime  vir,  plurimum  observande  atque  in  Christo  valde  amabilis.  Nobis  te  diu  servet  Christus  incolumem.  Salutem  tibi  dicit  Zanchus.  Digneris  meo  nomine  salutare  fratres  et  Marchiones  cumprimis.  Argentinae  16.  Februarii  1556.  2)  Lismaninus,  qui  pridie  Nonas  Basilea  Argentoratum  profectus  est  a  Sulzero  Marbachio  commendatus.  3)  Postridie  Idus  scriptam,  quae  tamen  in  ed.  a.  1580  non  legitur.  Habet  fortassis  aliqua  posterior  (1587)  ex  cuius  p.  1109  Schmidtius  eam  laudat  (Verm.  p.  166.)  Hanc  cum  aliis  Calvini,  Bullingeri,  Zanchii  m.  Aprili  Synodo  Pinczoviensi  ille  tradidit.  4)  Cf  N.  2379.