15:35  35  EPISTOLAE  1907  c.1909  36  qui  ut  crederent  electi  fuere  et  ad  vitam  ordinati  ante  natos  homines  gratuita  Dei  misericordia.  Proinde,  quum  Paulus  dixisset  omnia  in  bonum  cedere  diligentibus  Deum,  continuo  subiicit,  ne  quid  homini  tribui  possit  sed  solius  Dei  gratiae  omnia:  iis  qui  iuxta  propositum  vocati  sunt.  Hanc  nimirum  ob  causam  Deum  diligunt  et  omnia  ad  bonum  sunt  illis  adiumento,  quia  gratuita  Dei  benevolentia  iam  diu  ad  hoc  a  Deo  ordinati  fuere.  Eodem  spectat  illa  Pauli  gradatio  quae  mox  sequitur,  tanquam  huiue  sententiae  confirmatio:  quoniam  quos  praescivit,  hos  praedestinavit  ut  conformes  fierent  imaginis  filii  Dei:  quos  vero  praedestinavit  eosdem  etiam  vocavit,  vocatos  iustificavit,  iustificatos  glorificavit.  Ergo  si  dubitari  non  potest  quin  quisquis  in  hunc  finem  praecognitus  et  praedestinatus  est  non  hoc  genere  vocationis  vocetur  quo  nemo  fit  particeps  qui  idem  non  consors  etiam  fiat  verae  Dei  iustitiae  et  gloriae,  eundem  in  modum  ex  converso  certo  statuere  oportet,  qui  huius  iustitiae  et  gloriae  non  fuerit  particeps  factus,  nec  vocatum  fuisse  hoc  peculiari  vocationis  genere,  nec  praedestinatum,  nec  praecognitum,  ut  ad  Christi  imaginem  reformaretur.  Est  enim  Dei  consilium  fixum  et  immutabile,  et  eius  sine  poenitudine  dona.  Si  enim  verum  est  neminem  tum  eligi  quum  credit  aut  sanctificatur,  aut  ante  electum  esse  quod  crediturus  et  sanctificandi  fuerat,  sed  esse  electum  ut  crederet  et  sanctificaretur,  ac  credere  et  sanctificari  quod  in  eum  finem  electus  fuerit:  hoc  profecto  esse  quoque  verum  necesse  est,  neminem  tum  primum  reprobari  quum  non  credit,  sed  iam  multo  ante  fuisse  reprobatum,  ac  tum  demum  declarari  de  eius  reprobatione  aeternum  Dei  decretum  quum  in  Christum  offendit,  tanquam  in  petram  offensionis,  et  oblatam  evangelii  gratiam  innata  sibi  perfidia,  cui  a  Deo  relictus  est  iusto  eius  iudicio,  sibi  vertit  in  exitium.  Nam  si  non  est  electus  ante  iacta  mundi  fundamenta,  certe  ex  eo  tempore  quo  non  est  electus  reprobatus  est:  quando  nihil  aliud  reprobari  est  quam  non  eligi,  et  non  eligi  quam  relinqui  in  corrupta  et  perdita  illa  massa  totius  humani  generis  in  quam  omnes  conflati  sunt  homines.  At  superest  alterum  membrum  quod  a  nobis  praetermissum  est  paulo  ante:  si  nemo  tum  reprobatur  quum  non  credit,  quia  non  est  aliorum  electio  ante  natos  homines  certo  Dei  consilio  et  proposito  decreta,  aliorum  vero  tanquam  in  medio  relicta  et  ad  certum  tempus  suspensa  et  dilata,  neque  aliorum  fides  ex  electione  et  aliorum  ex  fide  electio  pendet:  an  ideo  convenienter  dici  poterit  neminem  etiam  reprobari  hanc  solam  ob  causam  quod  Deu��  praeviderit  non  crediturum  et  Christum  non  amplexurum,  sed  solo  Dei  arbitratu?  Deus  enim  iustus  ac  bonus  quum  sit,  nihil