13:35  35  EPISTOLAE  i  066.1068  36  1066.  CALVINUS  FARELLO.  Helvetiorum  tergiversatio  vel  si  mavis  prudentia  in  negotiis  cum  Imperatore  tractandis.  Genevae  res  non  prorsus  pacem  promittunt.  In  epistolis  ultro  citroque  mittendis  summa  cautione  opus  est.  Fallesius  Genevae  commoratur.  (Ex  autographo  Cod.  Genev.  106  fol.  226  coll.  c,  Cod.  l  l  l  fol.  192,  Bpp.  Bern.  VIL  920  et  Simler,  Vol.  67.  Anglicanam  versionem  praebet  Ed.  Edinb.  T.  II.  p.  161.)  Optimo  et  fidelissimo  Christi  servo  Guillelmo  Farello  Neocomensis  ecclesiae  pastori.  S.  Non  dubito,  etiamsi  mecum  non  expostules,  quin  me  tacito  animi  iudicio  damnes  negligentiae,  qui  tot  nuncios  sine  meis  literis  ad  te  discedere  passus  sum.  Si  excusem,  nihil  fuisse  argumenti,  protinus  me  ref  elles.  Et  tamen,  etiamsi  nunquam  desit  quod  scribamus,  mihi  tamen  silere  permitto  quum  nihil  urget.  De  Helvetiis  exspectamus  an  sibi  patiantur  Ulissis  nepente  propinari.*)  Viderit  hoc  Dominus,  in  cuius  providentiam  recumbere  nos  convenit,  quando  nos  ratio  gubernat  et  fortunam  scimus  non  dominari.  Quantum  licet  divinare,  sicuti  Caesar  eos  Iactabit,2)  ita  eum  vicissim  suspendent,  donec  praesidiis,  quae  sibi  necessaria  esse  ducunt  viderint  se  munitos.  Hic  exercemur  pro  more.  Sed  leves  sunt  velitationes.  Nisi  me  omnes  coniecturae  fallunt,  aut  propediem  emergent  aliqui  motus,  aut  hyems  haec  ingentes  multis  in  locis  turbas  pariet.  Bonus  Tossanus  non  abs  re  angitur.3)  Ad  reliquas  eius  molestias  accedit  filii  morbus.  Ergo  chirurgum  Petrum  hortaberis  ut  eo  usque  concedat,  si  forte  invenietur  aliqua  levatio.  De  Guillelmo4)  videbimus.  Colloquuti  sumus  inter  nos.  Sed  quoniam  adest  Alienius  et  Sanprivatus,  nihil  adhuc  habemus  constitutum.  Pius  vir  nihil  recusat.  Sed  nolui  frustra  ablegare.  Lausannam  etiam  prius  redibit  quam  profectionem  illam  suscipiat.  Si  fidum  nuncium  fueris  nactus,  velim  quascunque  a  me  literas  habes  ad  me  mittas.  Idem  facturus  est  Viretus.  Remittam  cum  certis  notis,  si  quae  sint  quas  non  expediat  ab  omnibus  legi.  1066.  1)  Apogr.  videamus  an  sibi  permittant  Ul.  repente  {sic)  propinari.  Pro  quo  Anglus:  to  be  circumvented  by  the  artifices  of  Ulysses.  2)  lassabit  Apogr.  3)  Toussaint  is  not  grieved  by  the  matter  (!).  De  Tossani  angustiis  vide  N.  1063  not.  S.  4)  Holbraco.