10.1:35  ORDONNANCES.  3.  Sil  advient  que  deux  ieunes  gens  ayent  contracte  mariage  ensemble  de  leur  propre  mouvement,  par  follie  ou  legierete,  qu'ilz  en  soyent  punis  et  chasties:  et  que  tel  mariage  soit  rescinde  a  la  requeste  de  ceux  qui  les  ont  en  charge.  4.  Sil  se  trouve  quelque  subornation,  ou  que  quelcun,  soit  homme  ou  femme,  les  ayt  induictz  a  cela,  que  la  punition  soit  de  trois  iours  au  pain  et  a  leaue,  et  de  crier  mercy  devant  la  iustice  a  ceux  a  qui  il  attouchera.  5.  Que  les  tesmoings  qui  se  seront  trouves  a  faire  tel  mariage  soyent  aussy  punis  par  prison  d'ung  iour  au  pain  et  a  leaue.  6.  Qu'il  ne  se  face  nulle  promesse  clandestine  soubz  condition  ou  autrement  entre  les  ieunes  gens  qui  n'auront  point  encores  este  maries,  mais  qu'il  y  ayt  pour  le  moins  deux  tesmoings.  7.  En  cas  que  les  enfans  se  marient  sans  conge  de  pere  ou  de  mere,  en  l'aage  qui  leur  a  este  permis  cy  dessus,  et  qu'il  soit  cogneu  par  la  iustice  qu'ilz  ont  licitement  fait,  pour  la  negligence  ou  trop  grande  rigueur  de  leurs  peres:  que  les  peres  soyent  contraincts  a  leur  assigner  dot  ou  leur  faire  tel  party  et  condition  comme  silz  y  avoyent  consenti.  1)  8.  Que  nul  pere  n'ayt  a  contraindre  ses  enfans  a  tel  mariage  que  bon  luy  semblera,  sinon  de  leur  bon  gre  et  consentement.  Mais  que  celluy  ou  celle  qui  ne  vouldroit  point  accepter  la  partie  que  son  pere  luy  vouldroit  donner,  sen  puisse  excuser,  gardant  tousiours  modestie  et  reverence,  sans  que  pour  tel  reffus  le  pere  luy  en  face  aucune  punition.  Le  semblable  sera  observe  en  ceux  qui  sont  en  curatelle.  9.  2)  Toutesfois  s'il  advenoit  que  quelque  enfant,  ayant  reffuse  de  se  marier  selon  la  volonte  du  pere,  choisist  puis  apres  un  mariage  qui  ne  fust  point  tant  a  son  proffit  et  avantage,  que  le  pere  a  cause  de  telle  rebellion  ou  mespris  ne  fust  tenu  sa  vie  durant  de  luy  rien  donner.  Que3)  les  peres  ou  curateurs  n'ayent  a  faire  contracter  mariage  a  leurs  enfans  ou  pupilles  iusque  a  ce  qu'ilz  soyent  venuz  en  aage  de  le  consommer.  Les  personnes  qui  se  peuvent  marier  sans  conge.  Ceux  qui  auront  este  desia  une  fois  mariez,  tant  hommes  que  femmes,  combien  qu'ilz  ayent  encores  leurs  peres  vivans,  seront  neantmoins  en  liberte  de  se  pouvoir  marier  moyennant  quilz  ayent  1)  selon  le  droict  de  la  ville.  Addition  de  Calvin  qui  ne  se  retrouve  pas  dans  la  Copie  de  la  V.  C.f  ou  du  reste  V  addition  de  1561  riexiste  pas  encore.  2)  Le  9  est  efface  de  main  de  Calvin  et  remplace  par  2.  3)  Les  articles  qui  suivent  ne  sont  plus  numerotes.