9:349  349  (Inscriptio  deest)  1)  Antehac  rogati  a  fratribus  Polonis  quomodo  sit  Christus  mediator,  an  scilicet  ut  est  Deus  et  homo,  an  vero  humanae  tantum  naturae  respectu,  breviter  et  tamen  dilucide  sententiam  nostram  exposuimus  in  quo2)  veritas  ipsa  nos  coegit  3)  damnare  et  refutare  Stancari  commentum.  Postea  impulit  nos  iusta4)  necessitas  ad  edendum  illud  responsum,  non  tam  odio  Stancari  vel  ut  eum  gravaremus  invidia,  quam  ut  effugerenius  sinistros  quosdam  rumores  :  ut  facile  est  in  rebus  turbatis  lucem  tenebris  involvi.  Porro  nullam  querimoniae  causam  habet  Stancarus,  si  secum  expendit,  quam  atrociter  vexaverit  Philippum  Melanchthonem,  cuius  memoria  in  pretio  et  honore  esse  debet  apud  omnes  bonos.  Certe  omnis  modestiae  et  humanitatis  oblitus  est,  quum  hominem  tam  probatae  pietatis,  quam  de  ecclesia5)  bene  meritum  atrocibus  conviciis  laceravit  :  ut  subinde  Arrianum  et  haereticum  vocare  non  dubitet.  Haec  intemperies  nisi  graviter  nos  offenderet  ingrati  essemus  et  Deo  et  fideli  eius  servo.  Si  pergat  Stancarus  sui  esse  similis,  eadem  exspectanda  est  nobis  merces.  Neque  tamen  conviciando  quidquam  nos  laedet:  quin  potius  sibi  plus  asperget  dedecoris.  Deum  tamen  suppliciter  rogamus,  ut  spiritu  mansuetudinis  tandem  ipsum  flectat  ac  fraenet6)  ad  piam  docilitatem.  Ipsumque  hortamur,  ut  se  ip-  1)  Beza  hunc  tractatum  thesauro  suo  epistolico  inseruit  cum  hac  inscriptione  :  Responsum  Genevensis  ecclesiae  contra  Stancarum.  Ed.  Genev.  1575,  p.  290,  Laus.  p.  578,  Hanov.  p.  649,  Gen.  1617,  p.  398,  Amst.  p.  182.  Exstant  exemplaria  manu  scripta  in  Archivis  Turicensibus  Plut.  VI,  vol.  116,  fol.  3440  {olim.  Epp.  T.  IX.)  et  id  quidem  Ionvillaei,  aliud  in  eodem  volumine  fol  3603,  tertium  in  Bibi  Bernensi  Cod.  122  theol.  Iam  Simlerus  {Vol  99)  varietatem  lectionis  Ionvillaei  annotavit  cui  nos  libri  Bernensis  addemus  lectiones,  et  alterius  exemplaris  Turicensis,  sed  ex  parte  tantum  quippe  quae  ambo  minus  accurate  scripta  et  saepius  aperte  mendosa  sint  2)  qua  B.  T.  2.  3)  cogit  iidem.  4)  facta  (Tur.  2).  5)  ecclesiis  T.  2.  6)  formet  B.  T.  1,  2.