55:349  349  CAPUT  IV.  350  hinc  colligimus  prius  fuisse  apud  patrem:  quo  ostenditur  aeterna  eius  divinitas.  Quum  dicit  venisse  in  carne,  significat  carnem  induendo  verum  hominem  esse  factum,  eiusdem  nobiscum  naturae,  ut  frater  noster  fieret:  nisi  quod  ab  omni  vitio  et  corruptela  fuit  immunis.  Postremo  quum  dicit  venisse,  notanda  est  adventus  eius  causa:  neque  enim  frustra  a  patre  missus  est.  Hinc  pendet  officium  Christi  ac  virtus.  Ergo  quemadmodum  haeretici  veteres  ab  hac  fide  exciderunt,  partim  divinam  Christi  naturam,  partim  humanam  negando,  ita  hodie  papistae,  licet  Christum  fateantur  Deum  et  hominem,  minime  tamen  confessionem  hanc  retinent  quam  requirit  apostolus,  quia  Christum  virtute  sua  spoliant.  Nam  ubi  liberum  suum  arbitrium,  operum  merita,  fictitios  cultus,  satisfactiones,  sanctorum  patrocinia  statuerunt,  quantulum  Christo  residuum  manet?  Hoc  ergo  sentit  apostolus,  quando  summam  doctrinae  pietatis  in  se  complectitur  Christi  notitia,  semper  illuc  coniiciendos  et  figendos  esse  oculos,  ne  fallamur.  Et  certe  Christus  legis  et  prophetarum  finis  est.  Nec  aliud  ex  evangelio  discimus  quam  eius  vim  et  gratiam.  3.  M  hic  est  Antichristus.  Hoc  addidit  apostolus,  quo  magis  detestabiles  redderet  imposturas  quae  nos  a  Christo  abducunt.  Diximus  enim  celebrem  ac  tritam  fuisse  doctrinam  de  regno  Antichristi:  ut  de  futura  ecclesiae  dissipatione  admoniti  fideles  sollicite  sibi  caverent.  Merito  igitur  tanquam  infame  et  ominosum  horrebant  istud  nomen.  Nunc  dicit  apostolus,  membra  esse  huius  regni,  quicunque  Christo  detrahunt.  Dicit  autem  spiritum  Antichristi  venturum  et  iam  esse  in  mundo,  diverso  sensu.  Tunc  enim  iam  in  mundo  fuisse  intelligit:  quia  moliebatur  iniquitatis  suae  arcanum.  Quia  tamen  nondum  oppressa  erat  Dei  veritas  falsis  et  adulterinis  dogmatibus,  nondum  corrupto  Dei  cultu  invaluerat  superstitio,  nondum  mundus  scelerata  perfidia  a  Christo  defecerat,  nondum  se  palam  extulerat  tyrannis,  Christi  regno  opposita  :  ideo  venturum  dicit.  4.  Vos  ex  Deo  estis  filioli,  et  vicistis  eos:  quia  maior  est  qui  est  in  vobis,  quam  qui  in  mundo.  5.  Ipsi  ex  mundo  sunt:  propterea  ex  mundo  loquuntur,  et  mundus  eos  audit.  6.  Nos  ex  Deo  sumus.  Qui  novit  Deum,  audit  nos:  qui  non  est  ex  Deo,  non  audit  nos.  In  hoc  cognoscimus  spiritum  veritatis  et  spiritum  erroris.  4.  Vos  ex  Deo.  De  uno  Antichristo  loquutus  erat:  nunc  plures  commemorat.  Sed  pluralis  numerus  ad  pseudoprophetas  refertur,  qui  iam  tunc  emerserant,  priusquam  caput  exstaret.  Porro  apostoli  consilium  est,  fidelibus  addere  animos,  ut  fortiter  et  intrepide  impostoribus  resistant.  Multum  enim  alacritatis  decedit,  quum  dubio  eventu  pugnatur.