54:349  349  SUR  LA  SECONDE  A  TIMOTHEE.  350  aussi  en  sa  protection,  que  nous  serons  en  repos  iusqu'a  la  derniere  venue  de  nostre  Redempteur?  Qui  est-ce  qui  vit  tellement  qu'il  ne  soit  point  espovanto  de  la  mort,  et  qu'il  cognoisse  qu'en  remettant  son  ame  entre  les  mains  de  Dieu,  il  la  met  en  un  lieu  si  asseure  qu'il  ne  faut  point  qu'il  en  doute?  Mais  au  contraire,  quand  nous  aurons  a  pleine  bouche  proteste  que  nous  sommes  Chrestiens,  si  on  nous  parle  de  la  mort,  nous  voila  tant  effrayez  que  c'est  pitie,  il  semble  que  iamais  nous  n'avons  ouy  un  seul  mot  de  l'Evangile,  que  le  Fils  de  Dieu  soit  descendu  aux  abysmes  d'enfer  pour  nous  en  retirer,  qu'il  soit  monte  au  ciel  afin  de  nous  ouvrir  la  porte  :  nous  ne  goustons  rien  de  tout  cela.  Ainsi  nous  monstrons  nostre  infidelite.  Et  c'est  une  honte  trop  vileine  de  nous  glorifier  en  ce  mot  de  Chrestiente,  quand  nous  n'en  avons  goutte  qui  soit.  Et  pourtant,  que  ce  passage  nous  advertisse  que  nous  ne  pouvons  estre  recognus  pour  enfans  de  Dieu,  sinon  que  nous  vivions  tellement  en  ce  monde,  que  d'autant  plus  que  nous  approchons  de  la  mort,  nous  prenions  matiere  de  nous  esiouir,  scachans  que  si  cest  homme  exterieur  est  aneanti,  c'est  pour  estre  restaurez  pleinement  par  la  vertu  de  celuy  qui  peut  tout.  Que  donc  nous  ayons  les  promesses  de  Dieu  tellement  imprimees  en  nos  coeurs,  qu'il  y  en  ait  une  telle  signature  par  le  sainct  Esprit,  que  nous  ne  doutions  point  de  ce  qui  est  contenu  en  sa  parole.  Et  au  reste  que  nous  ayons  tousiours  les  yeux  ouverts  pour  contempler  ce  qui  nous  est  dit,  c'est  ascavoir  que  quand  l'Evangile  nous  est  presche,  c'est  autant  comme  si  Iesus  Christ  estoit  crucifie  devant  nous.  Puis  qu'ainsi  est,  ne  doutons  point  que  sa  mort  et  passion  n'ait  sa  vertu  et  son  effect,  comme  sainct  Paul  dit  que  si  nous  doutons  de  parvenir  a  sa  gloire,  c'est  autant  comme  si  nous  l'arrachions  de  son  siege.  Et  nous  confessons  qu'il  est  assis  a  la  dextre  de  Dieu,  qu'il  gouverne  en  puissance  et  empire  souverain.  Quand  donc  nous  doutons  si  nostre  heritage  nous  est  reserve  aux  cieux,  c'est  autant  comme  si  nous  renoncions  a  cest  article-la  de  nostre  foy,  que  nous  sommes  rachetez  de  la  mort:  c'est  autant  comme  si  nous  renoncions  la  mort  et  passion  de  nostre  Seigneur  Iesus  Christ,  dit  sainct  Paul.  Que  ces  choses-la  nous  vienent  en  memoire,  afin  que  nous  corrigions  ceste  maudite  incredulite  qui  regne  par  trop  en  nostre  chair,  et  que  nous  apprenions  que  c'est  d'aimer  la  venue  du  Fils  de  Dieu.  Or  sainct  Paul  adiouste,  Que  Timothee  se  haste  de  venir  a  luy.  Il  est  vray  que  Timothee  estoit  assez  occupe  au  lieu  ou  il  servoit  en  la  ville  d'Ephese,  que  la  il  y  avoit  de  grans  affaires:  mais  il  ne  faut  point  douter  que  sainct  Paul  regarde  que  sa  presence  luy  estoit  plus  utile  beaucoup  pour  le  profit  commun  de  toute  l'Eglise.  Ce-