49:349  349  CAPUT  III.  350  5.  Quis  ergo  Paulus.  Hic  incipit  tractare  quid  sentiendum  sit  de  ministris  et  in  quem  usum  sint  ordinati  a  Domino.  Se  autem  et  Apollo  nominat  potius  quam  alios  declinandae  invidiae  causa.  Quid  aliud  habent  ministri  omnes,  inquit,  nisi  ut  sua  praedicatione  vos  ad  fidem  adducant?  Hinc  colligit  Paulus,  non  esse  in  ullo  homine  gloriandum  :  non  enim  nisi  in  solo  Christo  gloriari  permittit  fides:  proinde  qui  homines  extollunt  ultra  modum,  vera  dignitate  ipsos  spoliant.  Hoc  enim  praecipuum  est  omnibus,  ut  sint  ministri  fidei:  hoc  est,  ut  Christo,  non  sibi,  acquirant  discipulos.  Tametsi  autem  videtur  hoc  modo  elevare  ministrorum  dignitatem,  non  tamen  eam  infra  suum  ordinem  deiicit.  Multum  enim  est  quod  dicit,  nos  eorum  ministerio  fidem  percipere.  Imo  praeclare  hic  commendatur  externae  doctrinae  efficacia  j  dum  organum  vocatur  spiritus  sancti:  et  pastores  non  vulgari  elogio  ornantur,  quum  Deus  illis  uti  ministris  dicitur  ad  incomparabilem  fidei  thesaurum  dispensandum.  Sicut  unicuique.  In  graecis  Pauli  verbis  particula  similitudinis  postponitur,  sed  est  inversus  ordo:  ergo  ut  dilucidior  esset  sensus,  malui,  sicut  unicuique,  quam  unicuique  sicut.  Caeterum  in  quibusdam  exemplaribus  deest  particula  xal,  ac  uno  contextu  habetur,  ministri  per  quos  credidistis,  sicut  unicuique,  ete.  Si  ita  legamus,  hoc  posterius  ad  explicationem  prioris  erit  additum:  ut  definiat  Paulus  quid  per  ministrum  significaverit.  Quasi  diceret:  ministri  sunt,  quorum  opera  Deus  utitur,  non  qui  propria  virtute  aliquid  valeant,  sed  quatenus  aguntur  eius  manu,  tanquam  instrumenta.  Lectio  tamen  quam  posui  (meo  iudicio)  verior  est:  eam  si  sequamur,  plenior  erit  sententia:  constabit  enim  duobus  membris,  hoc  modo:  primum  ministri  sunt,  qui  suam  operam  locarunt  Christo,  ut  in  eum  crederetis:  deinde  nihil  habent  proprium  quo  efferantur,  quum  nec  per  se  efficiant  quidquam,  nec  ulla  facultate  polleant,  nisi  ex  Dei  dono:  et  quisque  ad  suam1)  mensuram,  quae  indicat  quidquid  habent  singuli  aliunde  provenire:  deinde  quasi  mutuo  nexu  omnes  inter  se  colligat,  quandoquidem  alii  aliorum  indigent  subsidio.  6.  Ego  plantavi,  Apollos  rigavit.  Similitudine  clarius  explicat  quale  fuerit  ministerium  illud:  qua  appositissime  depingitur  verbi  natura  et  praedicationis  usus.  Ut  terra  fructum  ferat,  aratione  opus  est  et  satione,  ac  reliqua  cultura:  verum  omnibus  peractis  nihil  prodesset  agricolae  labor,  nisi  solis  influxu  ac  magis  etiam  mirifica  arcanaque  sua  virtute  Dominus  e  coelo  incrementum  daret.  Ergo  utcunque  non  sit  irrita  diligentia  agricolae,  nec  inutile  semen  quod  iacit,  sola  tamen  Dei  benedictione  prosperantur.  Quid  enim  admirabilius  quam  semen  *)  certam