47:349  349  CAPUT  XV.  350  solo  Deo  esse  successum  operis,  quum  timore  et  tremore  suum  ei  laborem  offeret.  Contra  vero  si  quis  industria  sua  confisus  Dei  auxilium  negligat,  vel  hastam  et  clypeum  abiiciet  ubi  ad  rem  ventum  fuerit,  vel  multum  satagendo  nihil  tamen  proficiet.  Porro  hic  duo  vitia  cavenda  sunt  arrogantiae  scilicet  ac  diffidentiae.  Quia  sicuti  Dei  auxilium  secure  praetereunt,  qui  putant  se  iam  rem  habere  in  manu,  sic  multi  difficultatibus  succumbunt,  quia  non  reputant  se  Dei  virtute  et  praesidio  pugnare,  sub  cuius  auspiciis  militant.  17.  Haec  praecipio  vobis.  Hoc  quoque  tempestive  additum  est,  ut  scirent  apostoli  imprimis  requiri  mutuam  inter  ministros  dilectionem,  quo  ecclesiam  Dei  cum  cordis  studio  aedificent.  Nullum  enim  maius  impedimentum  quam  dum  seorsum  quisque  laborat,  nec  in  commune  singuli  operas  suas  conferunt.  Nisi  ergo  fraternam  inter  se  societatem  colant  ministri,  fieri  poterit  ut  aliquas  erigant  moles,  sed  dissipatas:  nullum  interea  erit  ecclesiae  aedificium.  18.  Si  mundus  vos  odit  Postquam  apostolos  armavit  Christus  ad  pugnam,  simul  etiam  ad  patientiam  hortatur.  Neque  enim  promulgari  potest  evangelium,  quin  protinus  mundus  insaniat.  Quare  nunquam  fieri  poterit,  ut  mundi  odia  effugiant  pii  doctores.  Hoc  mature  praedicit  Christus,  ne  illis  contingat  quod  tironibus  solet,  qui  propter  imperitiam  hostibus  nondum  visis  audaces,  ubi  ad  pugnam  ventum  est,  expavescunt.  Nec  tantum  ideo  praemonet  suos  Christus,  ne  quid  illis  novum  vel  inexpectatum  accidat,  sed  eos  simul  confirmat  suo  exemplo.  Neque  enim  aequum  est,  quum  ipse  exosus  mundo  fuerit,  nos  qui  eius  sustinemus  personam  mundum,  qui  semper  sui  similis  eat,  habere  propitium.  Verbum  ytvoaxeTE  in  modo  indicativo  vertere  malui:  quanquam  si  quis  imperativum  malit,  non  repugno,  quia  sensus  non  mutatur.  Plus  est  difficultatis  in  voce,  quae  proxime  sequitur:  nam  quum  se  priorem  discipulis  vocat,  tam  ad  tempus  quam  ad  dignitatem  referri  *hoc  potest.  Prior  expositio  magis  recepta  est,  nempe  quod  Christus  ante  apostolos  odio  habitus  fuerit  a  mundo:  verum  secunda  mihi  magis  probatur,  quod,  quum  Christus  qui  longe  praecellit  non  tamen  immunis  fuerit  ab  odiis  mundi,  eadem  conditio  a  ministris  non  recusanda  sit.  Eadem  enim  loquutio  est  cum  ea  quam  primo  capite  v.  27  et  30  bis  habuimus,  Qui  post  me  venit,  mihi  praelatus  est,  quia  prior  me  erat.  19.  Si  ex  mundo  essetis.  Alia  consolatio,  quod  ideo  mundo  sint  exosi,  quia  ab  eo  segregati  sunt.  Haec  autem  vera  est  eorum  felicitas  et  gloria,  quia  hoc  modo  ab  exitio  erepti  sunt.  Eligere  hic  segregare  significat,  lam  si  electi  fuerunt  ex  mundo,  sequitur  eos  fuisse  mundi  partem,  solaque  Dei  misericordia  discerni  a  reliquis  qui  pereunt.  Caeterum