41:349  349  SUR  LE  V.  CHAP.  DE  DANIEL.  350  cherche  grandeur  ni  excellence,  pour  ape  ter  les  choses  qui  sont  par  dessus  moy,  mais  iay  chemine  en  toute  humilite  et  simplicite.  Les  fideles  donc  ont  ceste  prudence,  de  se  tenir  en  l'estat  et  au  degre  ou  Dieu  les  constitue,  que  s'il  les  esleve  en  dignite,  ils  ne  sont  point  pour  cela  menes  d'ambition,  ils  n'ont  point  le  coeur  hautain.  Si  Dieu  les  veut  mettre  en  petite  condition  et  basse,  selon  les  hommes,  iis  se  contentent  de  cela.  Voila  donc  qu'elle  est  la  modestie  des  enfans  de  Dieu:  mais  tous  ceux  qui  sont  menes  et  conduits  de  leur  naturel,  il  faudra  qu'ils  aient  ceste  hautesse  qu'ils  ne  demandent,  sinon  a  dominer  chacum  d'eux,  et  nul  ne  preside  par  dessus.  Voila  que  c'est  des  hommes.  Ainsi  il  faut  bien  que  Dieu  tienne  la  bride  roide,  quand  il  fait  qu'un  homme  domine  par  dessus  cent  mil,  voire  par  dessus  cent  millions  (comme  Nabuchodonozor,  qui  dominoit  par  dessus  un  monde)  il  faut  bien  qu'il  y  ait  une  vertu  plus  qu'humaine.  Et  c'est  ce  que  dit  Daniel,  que  Dieu  a  fait  trembler  soubs  Nabuchodonozor  tous  les  hommes  de  la  terre,  a  cause  de  sa  maieste  qui  estoit  en  luy.  Quand  donc  on  demandera,  comment  est  ce  que  les  princes  sont  si  bien  obeis,  que  encores  qu'ils  dominent  avec  grand  exces,  qu'ils  tourmentent  le  pauvre  peuple  souventesfois,  que  neantmoins  ils  sont  maintenus  en  leur  dignite,  et  y  persistent?  Pource  que  Dieu  y  ha  mis  la  main,  et  qu'il  y  ha  engrave  une  telle  maieste,  qu'il  faut  qu'ils  soient  obeis  encores  qu'ils  usent  d'exces  et  de  cruaute  souventesfois.  Et  de  fait,  comment  est  ce  que  les  bestes  craignent  les  hommes?  C'est  a.  cause  de  l'image  de  Dieu  qui  y  est  engravee:  Du  commencement  Adam  a  este  constitue  maistre  et  superieur  de  toutes  les  bestes,  elles  sont  assuietties  soubs  sa  main,  voire  celles  qui  sont  maintenant  farousches  et  sauvages,  luy  font  hommage  comme  a  leur  superieur  (d'autant  qu'il  portoit  l'image  de  Dieu).  Et  quand  les  bestes  sans  avoir  discretion,  toutesfois  ont  eu  cette  crainte  la,  qu'elles  ont  revere  et  redoubto  l'homme  a  cause  de  l'image  de  Dieu,  qui  estoit  imprimee  en  luy,  s'il  ne  leur  a  point  donne  sens  ni  raison,  et  que  toutesfois  il  faille  qu'elles  s'emploient  a  faire  ce  que  Dieu  a  ordonne  pour  nostre  service,  que  doivent  faire  les  hommes  qui  ont  plus  de  prudence  et  de  discretion  beaucoup?  Il  est  vray  que  maintenant  nous  ne  verrons  point  les  bestes  s'assubiettir  ainsi  a  nous,  comme  a  nostre  Pere  Adam,  et  pourquoy?  d'autant  que  l'image  de  Dieu  est  effacee  en  nous:  Tant  y  ha  neantmoins,  qu'encores  voit  on  quelques  trasses  de  ce  qui  est  en  nostre  premiere  creation,  que  les  bestes  ont  ie  ne  scay  quoy:  tellement  qu'elles  se  assubiettissent  encores  aux  hommes,  et  en  ont  quelque  crainte,  combien  que  ce  ne  soit  pas  pleinement,  comme  elles  ont  fait  autresfois  (comme  i'ay  desia  dit)  ainsi  en