20:349  S49  1564  IUL.  350  affectum,  veramque  et  seriam  benevolentiam,  et  observantem  caritatem,  suo  et  nostro  nomine  contestabitur.  Petimus  itaque,  ut  ad  hanc  epistolam,  quam  primum  ad  te  ab  illo  missa  fuerit,  per  eundem  primo  quoque  tempore  respondeas,  ad  illumque  Argentoratum,  ipse  ad  nos  mitti  curabit.  Iterum  atque  iterum  vale,  literarum  atque  pietatis  nostri  aevi  decus,  nosque  solita  tua  benevolentia,  ut  facis,  prosequere.  Datum  Brestae  6.  Iulii  anno  Domini  1564.  Mense  Septembri  1563.  Confessionis  ministrorum  in  synodo  Pinczoviensi  congregatarum  formula,  de  qua  supra  in  literis  mentio  est,  sic  habet  :7)  Postquam  Christus  dominus  et  magister  noster,  nos  crescere  de  die  in  diem  iubet,  donec  in  virum  perfectum  perveniamus,  et  huic  rei  verbum  suum  ex  omni  parte  purum  et  perfectum,  in  quo  solo  nos  acquiescere  vult,  nobis  destinavit,  sub  magisterio  eius  nos  proficere,  et  ex  tot  tantisque  labyrinthis  Antichristi,  quos  aliquot  centenis  annorum  struxit,  paulatim  a  domino  educi  nec  pudet  nec  poenitet  Quum  itaque  placuit  spiritui  sancto,  veritatis  duci,  clarificatorique  domini  nostri  Iesu  Christi,  non  potuimus  et  nos  parvuli  in  nomine  Iesu  ad  hanc  synodum  congregati  tanto  placito  resistere,  postquam  igne  eius  sacrosancto  incaluit  spiritus  noster,  quin  credamus,  solum  verum  Deum  patrem,  et  quem  pater  misit  Iesum  Christum,  et  hanc  cognitionem  esse  vitam  aeternam.  Tanta  lux  ubi  affulsit  animis  nostris,  tenebrae  rationis  humanae  discussae  sunt,  cesserunt  persuasorii  ex  philosophia  desumpti  sermones,  quibus  simplicitas  verbi  Dei  obscurabatur:  et  veri  Dei  cognitio,  quae  a  prophetis,  Christo  et  Apostolis  expresse  tradita  est,  plane  eripiebatur,  quum  Deus  essentia,  Deus  unus  trinus  et  aliis  nominibus  appellabatur,  unde  error  Sabellii,  quem  nos  aeque  ut  Arrii  blasphemiam  detestamur,  quae  somnia  rationis  humanae  ut  deliramenta  luce  verbi  Dei  discussimus,  discussaque  vi  spiritus  sancti  tanquam  perniciosa  abiecimus,  memores  illius  dicti:  Quicquid  non  est  ex  fide,  peccatum  est.  Ex  eisdem  tenebris  philosophiae  filium  Dei  Iesum  Christum,  verum  Deum  de  Deo,  eductum  reverenter  excipimus,  et  non  amplius  personam  de  persona  genitum,  sed  ipsissimum  filium  Dei  vivi  colimus,  maiestate  nulla  patris  imminutum,  verbum  aeternum  apud  aeternum  Deum,  quemadmodum  ex  oraculis  evangelii  7)  in  eod.  cod.  lig.  vi.  106,  fol  984  v