7:348  desquelz  i'ay  donne  bonne  solution  et  certaine.  Car  ce  luy  est  tout  un,  moyennant  qu'il  puisse  eschapper.  Ie  confesse  donc  que  Dieu  endurcit  ceux  qu'il  luy  plait,  et  a  pitie  de  ceux  qu'il  luy  plait,  sans  qu'on  luy  puisse  demander  pourquoy  il  le  fait.  Mais  ce  n'est  pas  a  dire  pourtant  que  les  reprouvez,  estans  endurciz  de  Dieu,  ne  s'endurcissent  aussi.  Car  en  parlant  ainsi  il  dement  l'Escriture,  [page  200]  Cependant  cela  ne  sert  de  rien  a  son  propos,  que  le  mal  qui  est  en  nous  ne  procede  du  peche  originel,  c'est  a  dire  du  coste  de  l'homme,  combien  que  Dieu  ait  preveu  et  ordonne,  avant  que  creer  le  monde,  ce  qu'il  vouloit  estre  fait  de  nous  tous.  Ce  n'est  pas  sans  cause  qu'il  a  fait  l'homme  a  son  image  et  semblance  :  mais  il  nous  a  voulu  tenir  convaincuz  que  nostre  perdition  vient  de  nous,  comme  il  dit  par  son  prophete  Osee  (13,  9).  Ce  malheureux  afferme  qu'il  n'y  a  que  trois  pechez  interieurs,  assavoir,  presumption  de  nostre  sagesse,  presumption  de  nostre  vertu,  et  presumption  de  nostre  iustice;  et  adiouste  que  tous  les  pechez  exterieurs  se  peuvent  la  rapporter.  Ie  confesse  bien  que  ce  sont  trois  choses  fort  a  condamner,  et  qu'il  n'y  a  peste  si  mortelle  que  de  presumer  rien  de  nous.  Mais  s'il  n'y  avoit  que  ces  trois  pechez,  que  deviendra  avarice,  envie,  cupidite  de  vengeance,  convoitise  de  paillarder,  et  les  semblables?  Ie  ne  parle  que  des  maladies  interieures  qui  sont  en  l'ame.  Quand  il  veut  prendre  un  miroir  de  ceste  trinite  de  pechez  qu'il  a  forgee,  il  allegue  l'exemple  de  sainct  Pierre;  mais  a  la  fin  il  n'y  en  trouve  que  l'un,  assavoir,  une  fausse  confiance  de  sa  vertu.  Et  en  cela  on  peut  toucher  au  doigt  sa  bestise.  Les  trois  negations,  dit  il,  qu'a  fait  Pierre,  nous  [page  201]  figurent  le  triple  peche.  Apres  qu'il  a  nomme  le  premier,  si  on  luy  demande  les  deux  autres,  il  est  au  bout  de  son  sens.  Mais  encore  advisons  si  sainct  Pierre  n'a  peche  que  par  outrecuidance.  Car  ce  qu'il  a  renonce  son  maistre  procedoit  de  ce  qu'il  estimoit  plus  sa  vie,  qui  n'est  qu'une  ombre  caduque,  que  le  tesmoignage  de  sa  foy,  qui  est  une  chose  tant  precieuse.  Ceste  infirmite,  de  craindre  tant  la  mort  transitoire  que  nous  rencncions  la  fontaine  de  vie,  et  de  priser  plus  le  monde  que  l'honneur  de  Dieu,  est  un  vice  enorme,  comme  un  chascun  le  voit.  Et  neantmoins  ce  venerable  docteur  ne  veut  point  qu'il  entre  en  conte,  ne  qu'on  le  repute  plus  peche.  Mais,  par  les  consequences  qu'il  a  deduites,  la  meschancete  appert  encore  mieux.  Car  il  dit  que  le  peche  a  este  pardonne  a  Pierre,  pource  qu'il  a  cogneu  et  confesse,  que  ce  n'estoit  il  pas  qui  peut  rien  faire  ne  qui  eut  rien  fait:  1)  au  contraire,  que  1)  ideo  remissum  Petro  quod  agnoverit  et  confessus  sit,  sibi  agendi  quidquam  potestatem  defuisse,  seque  nihil  egisse.