54:348  comparaison  entre  le  Fils  de  Dieu,  et  les  povretez  qui  sont  en  nous,  n'est-ce  pas  pour  nous  abysmer  du  tout  en  desespoir?  Or  n'est-il  point  possible  que  nous  aimions  sa  venue,  sinon  que  nous  soyons  bien  persuadez  et  resolus  que  c'est  pour  nostre  salut  qu'il  doit  venir.  Il  est  vray  quand  Dieu  parle  aux  meschans,  a  ceux  qui  sont  rebelles  a  sa  parole,  aux  contempteurs  de  sa  iustice,  aux  hypocrites  qui  abusent  de  son  nom,  et  en  prenent  une  fausse  couverture,  il  dit  bien,  Mai-heur  sur  vous  avec  toute  l'esperance  que  vous  cuidez  avoir  a  la  venue  du  Seigneur.  Car  quand  Dieu  viendra,  ne  sera-ce  point  en  tenebres  et  en  obscurite,  en  tempeste  et  en  tourbillon  ?  ne  sera-ce  point  pour  vous  apporter  angoi&se  et  tourment?  Il  ne  vous  faut  point  donc  attendre  a  ceste  venue.  Il  est  vray  que  les  Prophetes  ne  parlent  point  la  de  ceste  derniere  apparition  de  nostre  Seigneur  Iesus  Christ,  mais  ils  appellent  la  venue  du  Seigneur,  toutes  fois  et  quantes  qu'il  se  demonstre.  Or  les  hypocrites  faisans  semblant  de  se  fier  en  Dieu  en  obeissance  et  humilite,  cependant  reiettent  sa  parole,  et  luy  sont  du  tout  contraires.  Pour  ceste  cause  les  Prophetes  leur  disent,  Vous  demandez  de  veoir  le  iour  du  Seigneur,  et  faites  semblant  de  l'appeter  sur  tout:  or  quand  il  viendra  en  son  siege,  n'estimez  point  que  ce  soit  sinon  a  vostre  confusion.  Mais  de  nostre  coste  nous  scavons  que  nostre  Seigneur  Iesus  Christ  ne  viendra  point  pour  consumer  en  rigueur  les  membres  de  son  corps,  mais  plustost  ce  sera  pour  monstrer  le  fruict  de  ceste  redemption  qu'il  leur  a  acquise.  E  t  ainsi  donc,  combien  que  nous  soyons  povres  et  miserables  pecheurs,  combien  qu'en  nous  il  n'y  ait  que  toute  malediction,  si  est-ce  que  nous  pouvons  hardiment  nous  esiouir  a  la  venue  du  Fils  de  Dieu,  d'autant  qu'il  est  nostre  Advocat,  et  n'a  point  oublie  cest  office-la,  et  est  tellement  Iuge  du  monde,  que  cependant  il  nous  couvrira  de  ceste  obeissance  qu'il  a  rendue  a  Dieu  son  Pere,  afin  qu'elle  nous  soit  allouee  en  conte,  comme  si  nousmesmes  l'avions  accomplie.  Puis  qu'ainsi  est  donc  que  nostre  Seigneur  Iesus  ne  viendra  point  avec  une  maieste  terrible  et  espouvantable,  et  qu'il  ne  nous  traittera  point  selon  nos  demerites,  mais  qu'il  fera  que  nos  fautes  nous  seront  pardonnees,  et  que  nous  sentirons  le  fruict  de  ce  qui  nous  est  iournellement  presche,  c'est  ascavoir  que  Dieu  se  reconcilie  gratuitement  a  nous  par  sa  pure  bonte:  puis,  di-ie,  qu'ainsi  est,  nous  pouvons  bien  aimer  sa  venue.  Mais  nous  voyons  maintenant  combien  il  y  en  a  peu  qui  puissent  dire  avec  sainct  Paul,  que  la  couronne  de  iustice  leur  est  apprestee.  Chacun  se  vantera  assez  d'estre  Chrestien,  mais  cependant  allons-nous  a  la  mort  comme  estans  asseurez  que  Dieu  est  gardien  de  nos  ames,  et  qu'il  les  aura