52:348  mendat  Christus.  Quare  acui  nos  et  accendi  talibus  exemplis  ad  imitationem  decet,  ut  saltem  frequentior  sit  inter  nos  tam  necessaria  exercitatio.  Si  quis  diurnas  et  nocturnas  preces  intelligat,  quas  Paulus  statis  horis  concipere  solitus  fuerit,  nihil  erit  absurdi  :  quamquam  simplicius  interpretor  nullum  ei  a  precibus  vacuum  tempus  suisse.  4.  Memoria  repetens.  Non  tam  laudandi  quam  exhortandi  Timothei  causa,  tum  eius  fidem,  tum  aviae  matrisque  commendat.  Nam  ubi  quis  bene  et  strenue  coepit,  progressus  ei  debet  animum  addere,  et  exempla  domestica  acriores  habent  stimulos  ad  incitandum.  Ideo  proponit  illi  aviam  Loidem,  et  matrem  Eunicam,  a  quibus  sic  fuerat  educatus  ab  infantia,  ut  potuerit  cum  lacte  imbibere  pietatem.  Ergo  hac  pia  educatione  admonetur  Timotheus,  ne  a  se  ipso  et  a  suis  degeneret.  Dubium  autem  est  an  fuerint  hae  mulieres  ad  Christum  conversae,  et  hoc  fidei,  quam  laudat  Paulus,  fuerit  initium:  an  vero  fides  illis  extra  Christianismum  tribuatur.  Hoc  tamen  posterius  mihi  magis  est  verisimile.  Tametsi  enim  multis  superstitionum  corruptelis  tunc  scatebant  omnia:  Dominus  tamen  suos  habuit  semper,  quos  non  passus  est  cum  vulgo  corrumpi,  sed  peculiariter  sibi  sanctificavit,  ut  in  Iudaeis  semper  exstaret  aliquod  huius  gratiae  pignus,  quam  semini  Abrahae  promiserat.  Vixisse  igitur  et  mortuas  esse  in  fide  mediatoris,  etiamsi  nondum  revelatus  illis  erat  Christus,  non  est  absurdum.  Nihil  tamen  assero,  nec  possem  nisi  temere.  5.  Persuasum  autem  habeo.  Hoc  membrum  proximam  coniecturam  apud  me  confirmat.  Neque  enim,  meo  iudicio,  de  praesenti  fide  Timothei  hic  loquitur.  Minueret  enim  de  certa  illa  prioris  elogii  fide,  si  tantum  diceret  se  fidem  Timothei  parem  existimare  fidei  aviae  et  matris:  sed  intelligo,  ipsum  a  puero,  quum  nondum  evangelii  notitiam  adeptus  esset,  fuisse  Dei  timore  et  fide  tali  imbutum,  nt  esset  vivum  semen  quod  postea  emersit.  6.  Propterea  commonefacio  te  ut  exsuscites  donum  Dei,  quod  in  te  est  j  per  impositionem  manuum  mearum.  7.  Non  enim  dedit  nobis  Deus  spiritum  timiditatis^  sed  potentiae,  et  dilectionis,  et  sobrietatis.  8.  Non  ergo  te  pudeat  testimonii  Domini  nostri,  neque  mei  qui  sum  vinctus  ipsius:  sed  esto  particeps  afflictionum  evangeliis  secundum  potentiam  Dei,  9.  qui  nos  servavit  ac  vocavit  vocatione  sancta:  non  secundum  opera  nostra,  sed  secundum  propositum  suum,  et  gratiam  quae  data  fuit  nobis  in  Christo  Iesu  ante  tempora  saecularia,  10.  revelata  autem  nunc  fuit  per  apparitionem  servatoris  nostri  Iesu  Christi,  qui  mortem  quidem  abolevit,  illuminavit  autem  vitam  et  immortalitatem  per  evangelium,  l  l  .  in  quod  positus  sum  praeco,  et  apostolus,  et  doctor  gentium:  12.  quam  etiam  ob  causam  haec  patior7  sed  non  pudefio.  Novi  enim  cui  crediderim:  et  per-