5:348  nari  nobis  petimus,  omnibus,  sine  ulla  exceptione,  hominibus  necessariam.  Et  debita  nuncupamus,  quod  eorum  poenam  Deo,  ceu  pretium,  debemus:  nec  satisfacere  ullo  modo  possemus,  [pag.  41]  nisi  hac  remissione  liberaremur,  quae  venia  est  gratuita  misericordiae  ipsius.  Eam  nobis  indulgeri  petimus,  ut  ipsi  debitoribus  nostris  remittimus:  hoc  est,  ut  iis  parcimus,  ac  veniam  condonamus,  a  quibus  ulla  in  re  laesi  sumus,  aut  forte1)  inique  tractati,  aut  dicto  contumeliose  accepti.  Quae  conditio  non  additur,  ac  si  nostra,  quam  aliis  facimus,  remissione,  Dei  remissionem  mereamur:  verum  signum  hoc  apponitur,  quo  confirmemur,  tam  certo  nobis  esse  a  Deo  peccatorum  remissionem,  quam  certo  conscii  sumus  aliis  eam  a  nobis  fieri:  si  tamen  animus  nobis  omni  odio,  livore,  vindicta  vacuus  purgatusque  est.  Contra  autem  e  numero  filiorum  Dei  expungantur,  qui  ad  ulciscendum  praecipites,  ad  remittendum  difficiles,  pertinaces  inimicitias  exercent,  ne  Deum  pro  patre  invocare  ausint,  et  indignationem,  quam  adversus  alios  fovent,  a  se  deprecari.  Sexta.  Ne  nos  inducas  in  tentationem^  sed  libera  nos  a  malo.  Qua  non  flagitamus,  ne2)  ullas  omnino  tentationes  sentiamus,  quibus  potius  excitari,  pungi,  vellicari  magnopere  nostra  ves  ert,  ne  nimium  resides  torpeamus:  qualiter  electos  suos  quotidie  tentat  Dominus,  eos  per  ignominiam,  paupertatem,  tribulationem,  et  alias  crucis  species  castigans  :  sed  haec  nostra  est  postulatio,  ut  una  cum  tentatione  faciat  eventum,  ne  ullis  tentationibus  vincamur  ac  obruamur:  sed  eius  virtute  firmi  ac  robusti,  contra  omnes  adversas  virtutes,  quibus  oppugnamur,  fortes  consistamus.  Deinde,  ut  in  eius  custodiam  ac  fidem  suscepti,  ac  spiritualibus  eius  gratiis  sanctificati,  [pag.  42]  eius  protectione  muniti,  supra  diabolum,  mortem,  inferorum  portas,  et  totum  diaboli  regnum  invicti  stemus,  quod  est  a  malo  liberari.  Observandum  autem,  quomodo  ad  caritatis  regulam  formatas  esse  nostras  orationes  velit  Dominus,  qui  nos  non  ad  petendum,  quod  nobis  expediat,  omissa  fratrum  ratione,  instituit:  sed  de  illorum  bono,  perinde  ac  de  nostro,  esse  sollicitos  iubet.  ORANDI  PERSEVERANTIA.  Hoc  demum0)  prospicere  convenit,  ne  certis  circumstantiis  Deum  alligare  velimus,  qualiter  et  hac  oratione  docemur,  nullam  illi  legem  praefigere,  aut  conditionem  imponere.  Nam  antequam  ullam  pro  nobis  pre-  1)  Sic  legitur  in  Catechismo  Quod  Institutio  habet:  facto,  omnino  praeferendum  videtur.  2)  Instit  p.  192  seq.  3)  Ibia.  p.  197  seqq.