41:348  par  dessus  le  rang  commun  des  hommes,  a  fin  de  se  declarer  plus  privement  a  eux,  ils  sont  d'autant  plus  obliges  a  le  craindre.  Et  quand  ils  ne  le  feront,  ils  sont  coupables  au  double.  Voila  pourquoy  Daniel  recite  ici  ce  que  Dieu  avoit  fait  au  Roy  Nabuchodonozor.  Il  luy  avoit  donne  le  Royaume,  il  luy  avoit  donne  gloire  et  maieste,  en  sorte  que  tous  peuples  ont  tremble  devant  luy.  Voila  quant  au  premier.  Or  nous  avons  desia  veu  par  ci  devant,  que  les  Royaumes  se  donnent  par  la  providence  de  Dieu.  Que  combien  que  les  uns  viennent  de  succession  et  lignage,  que  les  autres  se  conquestent  par  guerre,  a  force  et  a  l'espee,  que  les  autres  viennent  comme  par  sort  et  par  cas  d'aventure,  que  neantmoins  Dieu  gouverne  le  tout,  qu'il  ne  se  fait  nul  changement  aux  principautes,  que  tout  ne  soit  ordonne  de  la  haut.  Car  toutes  puissances  (comme  dit  Sainct  Paul)  procedent  de  Dieu,  non  pas  seulement  pour  dire,  que  ce  ordre  de  police  soit  en  general  fonde  en  luy,  mais  quand  nous  verrons  les  troubles,  qui  se  font  au  monde,  connoissons  que  c'est  Dieu  qui  gouverne  le  tout,  et  que  rien  ne  se  fait  par  fortune,  ni  a  l'aventure,  comme  on  l'estime:  mais  que  c'est  la  main  de  Dieu  qui  se  monstre,  laquelle  il  nous  faut  contempler  par  foy,  et  nous  tenir  a  ce  qu'il  nous  declare  en  l'escriture  saincte.  Car  puisque  nous  avons  a  connoistre,  qu'il  ne  tombe  pas  un  passereau  en  terre  sans  la  providence  de  Dieu,  qu'elle  s'estend  iusques  aux  bestes,  pensons  nous  que  nous  ne  luy  soions  pas  beaucoup  plus  precieux.  Et  mesmes  il  y  ha  encores  plus  d'excellence  en  ce  estat  Royal,  en  cette  police  qui  est  ordonnee  de  Dieu,  ou  son  image  est  imprimee.  Et  pensons  nous  qu'il  laisse  tout  cela  sans  s'en  soucier?  Que  les  choses  se  tournent  et  se  remuent,  sans  qu'il  y  mette  la  main?  Connoissons  donc  (suivant  ce  qui  est  ici  dit)  que  les  Roys  ne  parviennent  point  a  la  couronne,  les  Princes  ne  viennent  point  en  l'estat  et  dignite  ou  ils  sont,  par  leur  industrie,  ni  de  lignage,  ni  en  facon  que  ce  soit,  sans  la  volunte  de  Dieu.  Et  au  reste  aprenons,  que  comme  ii  est  ici  dit,  que  Dieu  avoit  esleu  Nabuchodonozor  au  roiaume,  qu'il  a  fallu  aussi  qu'il  l'y  ait  maintenu  comme  de  fait.  A  cause  de  cette  maieste,  que  Dieu  avoit  mis  en  luy,  Les  peuples  et  nations  Tont  redoubte,  et  c'est  un  mot  que  nous  avons  bien  a  noter.  Car  comment  est  ce  que  les  Royaumes  consistent,  et  qu'ils  demeurent  encores  pour  si  long  temps  que  nous  les  voions?  Il  semble  bien  que  l'affection  des  hommes  y  repugne,  il  ni  ha  celuy  qui  ne  apetast  de  dominer  par  dessus  tous  ses  prochains,  ie  parle  de  ceux  qui  ne  sont  point  gouvernes  par  l'esprit  de  Dieu.  Car  ceux  qui  en  sont  conduits  et  illumines,  ne  sont  point  menes  d'ambition,  comme  David  le  proteste,  Seigneur  (dit  il)  tu  scais  que  ie  n'ai  point